Masaya sina Donny Pangilinan at Belle Mariano sa pagrampa nila sa white carpet ng Star Magical Christmas 2024. Kinabukasan, November 25, 2024, eere ang How to Spot a Red Flag series nila sa Viu.
PHOTO/S: Screen Grab from Star Magic on YouTube
Excited na sina Donny Pangilinan at Belle Mariano sa How to Spot a Red Flag, ang bago nilang serye na magsisimula bukas, November 25, 2024.
Ito ang ipinahayag ng sikat na love team sa white carpet ng annual Star Magical Christmas 2024 ngayong gabi sa Solaire Resort North.
Gaya ng nakagawian sa previous editions ng ball, nag-alay ang DonBelle ng stuffed toys. May bitbit na The Grinch si Donny, habang Santa Claus naman ang dala ni Belle. Ang proceeds ng event ay for the benefit of Bantay Bata 163.
DONNIE PANGILINAN AND BELLE MENDOZA’S OUTFITS
Simple lang ang get-up ng DonBelle sa white carpet.
Naka-black coat with red trim, at black pants si Donny, habang naka-0red sparkly dress si Belle.
Sambit ni Donny, “Super excited din kami kasi bukas na showing ng How to Spot a Red Flag.
Pangsang-ayon ni Belle, “Yes. Kaya nga may hawak na red flag si The Grinch, e,”
Pinasalamatan nila ang mga fans na tinulungan silang mag-promote ng bagong series na ipapalabas sa Viu.
Sabi ni Donny, “We would like to thank all our supporters who were there for us since day one.
“Maraming salamat din sa lahat ng paandar niyo kanina. Nakita namin yung eroplano na may How to Spot a Red Flag, may krus, mayroon ding mural sa Baguio.
“Sobrang na-appreciate po namin. Mahal namin kayo. Merry Christmas, guys, we love you.”
DONBELLE ON 2024
Sa white-carpet interview ay tinanong din ang DonBelle ng hosts na sina Aiyana Perlas at Emilio Daez kung ano ang one word na magde-describe ng career nila ngayong 2024.
“Puno,” ang sagot ni Donny. “Ang dami kasing nangyari. Sa dami nating ginawa, di ko alam kung paano natin ginawa yun sa isang taon.”
Sabi naman ni Belle, “Actually 2024 for me was really exciting. You know there’s always something to look forward to. And also I look forward to 2025 so happy holidays, everyone.”
Pangalawa na ang How to Spot a Red Flag sa mga pinagbidahang serye ng Kapamilya love team ngayong taon.
Una ang Can’t Buy Me Love, na natapos noong May.
Si Belle ang kumanta ng “Anong Daratnan,” ang Filipino version ng “Beyond.”
Pinatugtog ito sa closing credits ng Moana 2 at binanggit din ang pangalan ng dalaga.
Nagakaroon din si Belle ng solo concert sa The Theatre at Solaire sa Parañaque City noong July.
Si Donny naman ay naging bida sa pelikulang GG: Good Game, na ipinalabas noong January.
