Marco Gallo and Heaven Peralejo not hiding their relationship in public anymore. The actress says in recent Instagram post, “Thank you for not only being by my side but also capturing every moment so beautifully through your lens. Your support, both behind the camera and in life, means everything to me.”
PHOTO/S: Courtesy: Instagram
Tila hindi na nagpapaawat ang magkarelasyong Heaven Peralejo at Marco Gallo dahil todo-PDA, o public display of affection, sila—sa pampubliko mang lugar o sa kanilang social media accounts.
Sa Instagram nitong nakaraang December 13, 2024, nag-post si Heaven ng ilang larawan nila ni Marco kung saan kitang-kita ang pagiging sweet nila sa isa’t isa.
Sabi ni Heaven sa caption, si Marco ang tanging pampakalma niya sa maraming unos sa buhay.
Buong post niya, “Amidst all the chaos, you’re my calm. Thank you for not only being by my side but also capturing every moment so beautifully through your lens. Your support, both behind the camera and in life, means everything to me [heart emoji]”
Komento ni Marco, “You’re the best plot twist I could ever ask for.”
Nauna na ring nag-post si Marco ng sweet message para sa girlfriend matapos ang kanilang pag-amin sa kanilang relasyon.
Saad ni Marco, “You’re the chosen one.”
Marco Gallo, Heaven Peralejo go public with their relationship
Noong November 25, 2024, pormal nang naging Instagram official sina Marco at Heaven.
Sa post ng binata sa Instagram na may kalakip na black-and-white photos nila, nakasaad dito ang maikling mensahe ni Marco para sa 25th birthday ni Heaven.
Pero ang mas nakapukaw ng atensiyon ng marami ay ang pagtawag ng Filipino-Italian actor na “mahal” sa aktres.
At sa comments section ay nag-“I love you” sa isa’t isa ang dalawa.
Sabi ni Marco sa caption, “Happy 25th birthday mahal [heart emoji], can’t be more proud of you.”
Komento ni Heaven, “i love you. wish you were here”
Sagot ni Marco sa kanya, “I love you too.”
Labis naman itong ikinatuwa ng fans ng dalawa.
Base sa post na ito ni Marco at mensahe nila ni Heaven sa isa’t isa, tila kinumpirma na nila ang matagal nang usap-usapan tungkol sa tunay na estado ng kanilang relasyon.
