Team Jhong-Kim-Ion wins “Magpasikat 2023” in It’s Showtime
Congratulations to the winners!
Team JKI of Jhong Hilario, Kim Chiu, and Ion Perez are ecstatic after being declared the grand champion of It’s Showtime’s “Magpasikat 2023
Ang team nina Jhong Hiario, Kim Chiu, at Ion Perez o Team JKI ang itinanghal na grand champion sa “Magpasikat 2023,” na bahagi ng 14th anniversary ng Kapamilya noontime show na It’s Showtime.
Sa loob ng isang linggo, mula November 6-10, 2023 ay nagpasiklab ang limang grupo na kinabibilangan ng lahat ng hosts.
Ngayong Sabado, November 11, ay inanunsiyo na ang resulta ng kumpetisyon.
Ang Team JKI, na pinakahuling group na nag-perform kahapon, November 10, ang nakakuha ng pinakamataas na score mula sa mga hurado.Tinalakay nila sa kanilang production number ang pagiging sagabal ng cell phone at iba pang gadgets sa relasyon ng magkakapamilya at magkakaibigan, pati na ang epekto ng online bullying.
Ang average score na nakuha nila ay 9.6.
Grand Champion: Team JKI (Jhong, Kim, and Ion) – 9.6 points
Second place naman ang team nina Anne Curtis, Ryan Bang, at Ogie Alcasid.
Para sa kanilang tema na healing, nakakuha sila ng average score na 8.6 mula sa mga hurado.
Second Place: Team Anne-Ryan-Ogie – 8.6 points
