Kim Chiu, na-curious kung sino ang pinakamatagal na nakarelasyon ni Darren | It’s Showtime

Maulan ba sa inyo? Dito sa “It’s Showtime,” umuulan ng good vibes at papremyo. Magtampisaw sa feel-good energy na hatid ni Reiven Umali, na ipinamalas ang talent n’yang matindi. Para patunayan ang versatility, si Reiven, may dance act pa kasama si Baby Doll Eriel. Uy, mukhang may chemistry! Ano ba ang na-feel ni Reiven sa pagsayaw nila Eriel?

Teka, nag-uumpisa pa lang ang palabas, pero ang ‘pang-aasar’ ng “Showtime” family kay Kim Chiu, ubod na nang lakas! Kaya naman si Kim, ayaw na lang mag-talk. Hayaan mo na, Kimmy, masaya lang ang “Showtime” family ‘pag nakikita ka nilang happy!

Kantahan na may halong kulitan ang pinagsaluhan ng “Showtime” family at madlang people sa “Karaokids” this Wednesday FUNanghalian. Kung na-miss mo ang mga ganap, come on, let’s catch up! Sina Enicka, Imogen, at Kelsey na ang bahala sa pagkanta, “Showtime” hosts naman ang bahala sa panghuhula.

No’ng una ay matamis ang ‘cashier-bagger love story’ nina Ruffa at Iking. Sa workplace nagkakilala hanggang relasyon ay humantong sa LDR. Si Iking ang unang na-fall out of love at humingi ng breakup pero hindi pumayag si Ruffa. At dahil hindi makawala, si Iking, nag-cheat para lang i-let go siya ng dating nobya kahit hindi naman niya totoong gusto ang bagong babae na niligawan niya.

Nag-break. Nagbalikan. Repeat. Pag-ibig nga naman, minsan magulo at makulit. Nakakahilo. Nakakalito. ‘Pag toxic na, mas mabuti pang maging honest at mag-let go. Alamin ang buong detalye ng dating pag-iibigan ni Ruffa at Iking sa “EXpecially For You”.

Sa “Tawag Ng Tanghalan The School Showdown,” electrifying performance ang hatid ni CZ Baylosis ng Holy Trinity College of General City sa pagkanta niya ng “Chandelier.” Pamantasan ng Lungsod ng Maynila ‘reprezent’ naman ang sigaw ni Claire Maaba na bumirit ng “Better Days.”

Nagustuhan nina ‘hurado’ Darren Espanto, Bituin Escalante, at Ogie Alcasid ang pagtatanghal ng dalawang estudyante. For sure nagustuhan din ng madlang people ang masayang kuwentuhan ng “Showtime” family.

Si Ryan Bang, minsan lang humirit pero talagang havey. Napa-react tuloy si Kuya Ogie hanggang sa nauwi sa ‘personalan’ ang joke time.

Si Darren naman, hindi tumanggi sa request ni Meme Vice Ganda na i-flex ang pangmalakasang ‘kaldag’ moves niya. Kinilig tuloy ang madla. Hirit ni Meme: Si ‘hurado’ Bituin, napahawi ng hair!