Video ni Carmina Villaroel matapos ang kanyang surgery, viral

Cassy Legaspi, aminado na ramdam ang pressure ng pagiging anak ni Carmina Villaroel

Ibinahagi ng Kapuso teen stars na sina Cassy at Mavy Legaspi ang best advice na nakuha nila sa kanilang mga magulang.

Ano ang best advice na nakuha ng Legaspi twins na sina Mavy at Cassy mula sa kanilang mga magulang?

Nakapanayam ng entertainment press ang 19-year-old teens nina Carmina Villaroel at Zoren Legaspi sa isang video conference na isinagawa ng GMA Corporate Communications Department ngayong Martes ng hapon, October 13.

Kuwento ni Mavy, sinasabi sa kanya di Daddy Zoren na always be yourself.

Paliwanag ng binata, “The one thing that my dad will always say is that be Mavy Legaspi, yun talaga!

“It really says a lot, napaka-simple lang talaga di ba? It’s just like be Mavy Legaspi, ano yun?”

“So, ikaw magbibigay ng definition noon…. I guess that’s like the number one talaga, somehow parang advice siya ‘be yourself,’ pero at the same time it makes you think na ano ba talaga ang gusto mo.”

Umamin naman si Cassy na ramdam niya ang pressure ng pagiging anak ni Carmina Villaroel na kilala ang husay sa pag-arte.

Sabi niya sa harap ng press na nakaramdam siya na dapat ipakita niya na mas magaling siya sa kanyang mommy.

Saad ng mestiza beauty, “Yung go-to ng mom ko is you can’t please everybody, kasi I think I told her before na growing up nape-pressure ako. Kunwari, ‘Ay gusto ko na maging artista, people might see me as okay this is Carmina Villaroel 2.0, so dapat mas bongga ako or something like that.

“Si Mommy kasi, she is very talented na to begin with. She can memorize [a] script [so easy], she can envision itong script, okay iiyak ako dito ganyan, okay done!”

“I always feel the pressure na I have to be like my mom or better than my mom or something pero she will always say that you can’t please everybody, kasi there are people din who don’t like my mom, but she doesn’t really care.”

Dagdag ni Cassy, “She only focuses on people who admire her or people who love her and she loves her work naman talaga. She said once you love your work, everything else will just follow, it will be effortless lang.”

Kinamusta naman ng GMANetwork.com kung paano sinuportahan ng magkapatid ang kanilang ina sa tuwing tinatamaan ito ng anxiety attack sa gitna ng nararanasan nating pandemic.

Napanood kasi sa isang vlog na ibinahagi ni Carmina na natakot siya nang sumailalim sa isang swab test.

Kuwento ni Cassy sa GMANetwork.com, “Everyone kasi may iba’t-ibang silang timpla, so for some people they want to be left alone for some people they want someone to talk to si Mommy (Carmina) gusto niya lambingan.

“If nagpa-panic attack siya or something she’ll always play with the dogs ‘yun ‘yung stress reliever niya.”

“So, we give her that time muna with the dogs and then of course we check up on her…. So, I think it’s just being there for her din that’s all we do naman.”

Sinegundahan naman ito ni Mavy na malinaw na hindi lamang mga kabataan ang nakakaranas ng matinding takot dulot ng COVID-19, kundi pati na rin ang mga matatanda.

Ani Mavy, “This just shows na it’s not only these teens or young adults that are anxious of what’s gonna happen in the future. But also, the adults, ‘yung mga parents or ‘yung mga middle-aged persons they also think about what’s going to happen in this world, what’s going to happen with their work, with their craft.

“So, siyempre nag-o-over think ka that goes for all, that goes for everyone. I’m sure everyone overthinks.”

Napapanood sa Sarap, ‘Di Ba? at All-Out Sundays ang Legaspi twins at nalalapit na rin magsimula sa lock-in taping nila Cassy for the soap First Yaya kung saan bida sina Gabby Concepcion at Sanya Lopez.