Bong Revilla, umamin na may mga anak siya sa labas; alam kaya ng misis niyang si Lani?

Hindi itinanggi ni Senador Bong Revilla na mayroon siyang mga anak sa labas. Pero alam naman kaya ito ng kaniyang maybahay na si Cavite Congresswoman Lani Mercado?

Ginawa ng senador ang pag-amin sa media conference ng “Walang Matigas na Pulis sa Matigas na Misis” Season 3, ayon sa Chika Minite report ni Lhar Santiago sa GMA News “24 Oras” nitong Lunes.

Ayon kay Revilla, batid ni Lani at kanilang mga anak, ang tungkol sa mga anak niya sa labas.

“Alam ni Lani kung ano ‘yung totoo. Mayroon, mayroon,” anang senador. “Makikilala n’yo rin kung sino siya, kung sino sila.”

Ayon kay Revilla, unfair sa mga bata kung itatago sila.

“Hindi mo pupuwede itago ‘yon. Unfair ‘yon para sa mga bata. Kapag anak mo, anak mo ‘yon. Dugo mo ‘yon, mahalin mo ‘yon at hindi ko ikinahihiya ‘yong ganon,” pahayag niya.

Aicelle Santos, nakaranas ng isang himala sa kaniyang pamilya

Kathryn Bernardo at Alden Richards, nag-sign off na bilang sina Joy at Ethan

Romualdez, desididong mapababa ng presyo ng bigas; mahal na singil sa kuryente, isusunod

Taong 1986 nang ikasal sina Revilla at Lani. Anim ang kanilang naging anak, kabilang ang mga dati ring artista na sina Jolo at Gianna.

Makakasama muli ni Revilla sa third season ng “Walang Matigas na Pulis sa Matinik na Misis,” si Beauty Gonzalez.