Nagbantang manampal ng datung: Ivana tinawag na mayabang, nakipagtalakan, laitan

Nakakaloka si Ivana Alawi. Hindi mo talaga aakalain na makikipagtalakan, makikipaglaitan, insultuhan siya sa isang lalaking driver.

Makikita nga sa video na magkasama sa isang van sina Ivana at Mona. At biglang-bigla, parang may nabanggang sasakyan ang driver nila.

At lumabas nga ang driver na lalaki na galit na galit. Kitang-kita na nagwawala talaga ang nakabanggaan nilang driver, dahil pinagmamalaki nga niya na bago nga raw ang sasakyan niya.

Hinahamon din ng naturang driver ang driver nina Ivana. Napakalakas magsalita ng naturang lalaki.

“Grabe naman siya makasigaw kay kuya,” takot na takot na sabi ni Mona.

Lumabas nga si Ivana ng sasakyan nila, pero super talak pa rin ang nabangga nilang driver at kung ano-ano na ang sinabi kay Ivana.

Sa totoo lang, nakakapanginig ng kalamnan ang confrontation nina Ivana at nakabangga nilang driver. Sinabihan pa ng driver si Ivana na mayabang magsalita. Na kahit artista ito ay hindi niya kilala.

At siyempre, hindi rin nagpatalo si Ivana, na gumaganti rin ng talak.

Eh, bumaba rin ng sasakyan si Mona para umawat nga. Pero, pinagbalingan ng driver si Mona na huwag sumawsaw sa gulo, with matching panduduro pa.

At doon na nga nagwala si Ivana, dahil ayaw niyang dinuduro ang kapatdi niya, kaya sinabihan niya na makapal ang mukha ng driver na `yon.

Sa totoo lang, kung nasa paligid ka, matatakot ka rin talaga at puwede mong isipin na sa matinding sakitan mauuwi ang lahat.

Grabe kasi kung magsalita ang kalaban nilang driver. At nakakaloka, na dahil sa maliit lang na gasgas, na parang alikabok nga lang daw, humihirit ito na bayaran siya ng P200,000.

Makikita mo na walang karespe-respeto kay Ivana ang naturang driver.

Umabot na nga sila sa hamunan na magtawag na ng pulis. Makikita rin na nanginginig sa galit si Ivana.

At si Mona, takot na takot at nakikiusap kay Ivana na huwag patulan ang driver.

“Sasampalin ko ‘yan ng pera!” tumitiling sabi pa ni Ivana.

“Wag ate,” mahinahong awat ni Mona, na takot na takot pa rin.

“Eh, binabastos tayo!” hirit ni Ivana.

Panay ang pakiusap ni Mona kay Ivana na huwag patulan, na huwag mag-step down sa level ng lalaki.

Mahaba pa ang naganap na pagtatalo nina Ivana at ng driver. Palitan ng masasakit na salita, pagbabanta, pang-iinsulto.

Lumabas ng kotse si Ivana para maglabas ng pera na ipambabayad nga sa driver. Pero, pinagalitan ulit ng driver si Mona, na ‘wag bumaba ng kotse. Nagsabi pa ito na, “Ano pagtutulungan ninyo ako?”

Doon nga sinabi ni Ivana na gusto niyang sapakin ang driver. Na ayaw pa ring paawat ng driver at panay ang hirit ng P200,000 kina Ivana.

Kaloka lang si Ivana na tinatawaran ng P5,000 hanggang P2,000 ang damage, ha!

At ‘yun na nga, biglang-bigla, nilantad na ang katotohanan na, “It’s a prank’.

At makikita nga si Mona na iyak pa rin nang iyak, at hindi makapaniwala na prank ang nasaksihan niya.

Panay ang hingi ng tawad ng driver kay Mona.