CEBU, Philippines — Nakab-ot na sa Sugboanong si JuneMar Fajardo ang legasiya human niya masakmit ang makasaysayanong lima ka sunod-sunod nga MVP award niadtong Domingo.
Bisan pa sa iyang kalampusan, si Fajardo miingon nga wala pa siya matagbaw ug kinahanglan gihapon niya nga maningkamot aron maugmad pa iyang abilidad sa basketbol.
“Ayoko maging stagnant. Ayoko makuntento. Etong mga achivements ko, hindi ko ilalagay sa isip ko ‘yan. Dito lang,” matud pa ni Fajardo Spin. Ph. “Kasi kapag ilalagay mo sa utak mo ‘yun, iba-brag mo na ‘yung achievements ko. Mas magiging parang hambog, parang ganun ang dating. Of course, puwede mong ipagmayabang dahil pinaghirapan mo pero hindi naman. Pagsisikapan ko pa. Marami pa akong gusto ma-achieve.”
Bisan wala kaayo siya makaduwa sa katapusang conference sa miaging season, si Fajardo mi-average gihapon og 20.6 points ug 12.4 rebounds. Ang 6-foot-11 mihipos og 2346 statistical points aron pagpilde ni Fil-American guard sa Northport Batang Pier nga adunay 20141 SPs.
Si Fajardo nakakuha usab og dakong botos gikan sa 777 ka media ug 327 votes gikan sa mga kauban niyang PBA players.
Uban sa MVP award, si Fajardo nalakip usab sa Mythical Five sa season uban nila ni Rafi Reavis sa Magnolia, Rome Dela Rosa sa Magnolia ug Chris Ross sa San Miguel isip All-Defensive Team.
Sa laing bahin, gawas sa iyang pamilya ug San Miguel, si Fajardo nagpasalamat usab ni PBA great Fernandez nga usa sa mga inspirasyon ug yawi sa iyang kalampusan sa PBA.
