Janno Gibbs, poste ng VMX sexy gag show na Wow Mani

Unang episode ng VMX gag show Wow Mani, boobs overload agad!
Singer-comedian Janno Gibbs (left) leads the cast of VMX’s first sexy gag show, Wow Mani. One of its segments is “Battle of the Brainless,” featuring VMX sexy starsBoobs overload na sa unang episode (31 minutes) pa lang ng sexy gag show na Wow Mani, na nag-streaming umpisa ngayong Enero 7, 2025, Martes, sa VMX (dating Vivamax).

Ang title ay hango sa comedy show ni Joey de Leon na WoW Mali, na unang umere noong Mayo 1996 hanggang Agosto 2008 sa ABC/TV5.

Of course, iyang WoW Mali ay inspired naman ng konsepto ng America’s Funniest Home Videos.

Poste ng WoW Mani si Janno Gibbs, na bidang-bida sa dalawang segment — bilang explorer na si Injanno Jones, at bilang quiz master na si Janno Depp.

Kilala naman siguro ninyo sina Indiana Jones at Johnny Depp, hane? Kung hindi, paki-Google na lang.

Nakalatag na ang labindalawang episodes ng WoW Mani para sa unang season nito. Tuwing Martes magpapalabas ng bagong episode.

Nasa cast din ng Wow Mani sina Jenn Rosa, Denise Esteban, Zsara Laxamana, Chloe Jenna, Sunshine Guimary, Krista Miller, Yda Manzano, Skye Gonzaga, Salome Salvi, Christy Imperial, Sahara Bernales, Ada Hermosa, Candy Veloso, Lea Bernabe, Aliya Raymundo, Angeline Aril, Jonica Lazo, at Sheena Cole.

Dalawang VMX hunks ang tampok — sina Nico Locco at Aerol Carmelo.

Featured para mas magpakuwela pa sina Goms Burza at Lotlot Fajardo-Gervacio.

Ang direktor ay si Al Tantay.

Photo/s: VMX Philippines

WOW MANI GAGS

Andaming lumang jokes na risque at ngayon lang nabigyang-buhay sa Wow Mani.

“Bryan” ang pambungad na gag sa palabas.

Inaasahan nating in the future, meron ding “Anselmo.”

Lumang joke iyong babaeng naghugas ng holy water sa simbahan dahil humawak siya ng pututoy. Nang marinig iyon ng isang babae ay nagmumog ito.

Sa Wow Mani, ang setting ay sauna kung saan tatlong babae ang topless at nakatapis ng tuwalya.

Sinauna rin iyong joke na pinansin ng isang lalaki ang isang babae na labas ang isang suso habang nasa publiko.

Gagawin din kaya sa Wow Mani iyong eksena na sumakay ng taxi ang isang babae na walang saplot?

Tingin nang tingin siyempre si manong driver sa pasaherong hubo’t hubad, at umangil naman ang dilag.

Mala-Tata Lino ang karakter ni Injanno Jones. May bahid din iyon ng “Ang Dating Doon” segment ni Brod Pete sa Bubble Gang (Oktubre 1995 up to the present sa GMA-7).

Sinagot ni Injanno Jones ang mga tanong ng mga katutubo sa tribo ng Mamadede (or is it Mamadedeko?) kung saan ang kababaihan ay beads lang ang pantakip sa dibdib at sumisilip-silip ang nipples.

Si Angeline ang ‘Tricky Girl’ na gumagala sa mga kalye at nagtatanong sa mga ka-Mani. Ang premyo niya sa lalaking nakapagbigay ng tamang sagot ay “kiss sabay hug.”

BATTLE OF THE BRALESS

Naglaban sa segment na “Battle of the Braless” hosted by Janno Depp ang La Cunsumisyon College at University of Los Baño Queen, Laguna, na tigdalawa ng kinatawan.

Tatlong round ang “Battle of the Braless,” na sa bawat round ay may parusa sa mababa ang score.

Photo/s: VMX Philippines

Ang “Battle of the Braless” ay parody ng “Battle of the Brainless” segment ng Tropang Trumpo (Marso 1994-Marso 1999 sa ABC/TV5), na parody ng quiz show na Battle of the Brains hosted by David Celdran na unang umere sa RPN 9 noong Hulyo 1992 hanggang 2001.

Matipid ang production cost ng Wow Mani kumpara sa mga pelikula ng VMX.

Sana naman, merong name tag iyong contestants sa “Battle of the Braless.” Hindi naman masyadong mahal ang name tag, di ba?

After all, babad na babad sa segment na ito ang Playtime.

Dapat i-renew na ng VMX for more seasons itong Wow Mani! O kaya magkaroon naman ng Tropang Talong!!!

Nakita ko ang trailer ng Wow Mani, parang ideya ni Janno Gibbs ang tipo ng pagpapatawa rito.

Si Al Tantay ang direktor, pero tingin ko merong ambag diyan si Janno na magaling talaga sa ganoong style ng comedy.

Mababawasan na kaya ng daring scenes itong mga bagong material ng VMX?

SENATOR JINGGOY ESTRADA ON VMX

Nasita na ni Senator Jinggoy Estrada ang VMX, at nakipag-usap na raw sa kanya sina Boss Vic del Rosario.

Sabi ni Senator Jinggoy, “My only concern, there is the access of minors to dito sa streaming service na ito.

“In fairness, I’m sorry hindi pa ako nakakapanood ng any movie ng VMX o Vivamax. Meron lang ipinakita sa akin na mga erotic scenes na puwede palang makapag-access yung ating mga kabataan. So, yun lang yung aking concern.

“I don’t care about what they’re earning. Basta huwag lang maka-access yung minors dun sa malalaswang ipinalabas.

“Nakipag-usap na sa akin si Vincent [del Rosario], si Boss Vic, and they’re going to secure yung mga safeguards and safety means para hindi makapag-access yung ating mga kabataan, and I’ll take their word for it,” saad ni Senator Jinggoy.Nakita kong ipinost din ni Nico Locco ang tungkol sa Wow Mani na kasali rin siya after winning best actor for his VMX movie Kolektor in a filmfest in India.

At least, may venue o platform na ganito for adult viewing.

Magandang training ground ito for future sexy comediennes in the likes of Rosanna Roces and Rufa Mae Quinto before!

I’m sure, gagandahan pa iyan nina Janno Gibbs at Direk Al Tantay!