SHOCK: Vice Ganda and Vhong Navarro unfollowed each other even though they are both friends/hi
Usap-usapan ngayon ang naging biruan ng “It’s Showtime” hosts na sina Vice Ganda, Vhong Navarro, Jhong Hilario, at Kim Chiu patungkol sa pagkakaroon ng “bestfriend” o matalik na kaibigan.
Nauntag ni Jhong kay Vice kung sino ang itinuturing niyang bestfriend.
Sagot ng komedyante-TV host, may itinuturing daw siyang beshie pero hindi raw niya alam kung ganoon pa rin ang turing sa kaniya. Ang siste, napansin yata ni YorMeme na hindi na naka-follow sa kaniya ito, matapos ang eleksyon.
Bagama’t hindi binanggit ang pagkakakilanlan, mukhang celebrity din ito dahil may sundot na tanong si Vice kay Vhong Navarro.
Tugon naman ng TV host-dancer na kamakailan lamang ay absuwelto na sa kaso, “Oo, parehas tayo.”
Mukhang kilala naman ni Jhong ang tinutukoy ng dalawa, bagama’t hindi malinaw kung ano ang kasarian nito.
Biro naman ni Vice, hindi ito artista subalit hindi naman siya pinaniwalaan ng co-hosts. Sinabi na lamang niyang ang co-hosts sa Showtime ang kaniyang bestfriends.
Sino nga kaya ang celeb na ito na “common denominator” nina Vice at Vhong? Posible nga bang dati nilang kasamahan sa noontime show, o kaya naman, dating taga-ABS-CBN?
May mga humulang baka sina Direk Bobet Vidanes o kaya si Kuya Kim Atienza na pareho nilang nakasama sa show, pero medyo malabo dahil nagkaroon ng isyu sa pagitan nina Meme at sa dalawang nabanggit na personalidad.
May mga nagsabi namang baka sina Karla Estrada o Mariel Rodriguez-Padilla?
At lumutang din ang pangalan ni Ultimate Multimedia Star Toni Gonzaga-Soriano, na noong kasagsagan ng kampanya, ay nag-unfollow sa lahat ng celebrities maliban sa kapatid na si Alex Gonzaga at kaibigang si Mariel.
