LAOAG CITY – Naiget a naglikudan ti It’s Showtime co-host a ni Jackie Gonzaga ti agwarwaras a tsismis a masikog daytoy ken ti maipagarop nga ama ti sikogna ket ti kadwa na metlaeng iti programa a ni  Ion Perez.

Maak-akusaran ni Jackie nga adda ti nalimed a relasyon da iti asawa ti TV Host ken nalatak a komedyante a ni Vice Ganda

Inbatad ni Jackie a nakigtot ngem nakakatawa idi maidanun kenkuana ti tsismis ken saanna nga ammo no naggapwan ti nasao nga isyu.

Inpetteng ni Jackie a siasinno man ti agiwarwaras ti malisyoso a tsismis kontra kadakuada ken ni Ion ket agsardeng dan gapu ta awan ti kinapudno na daytoy.

Inpalgak pay ti balasang a maaryek unay kadagiti tattao nga agiwarwaras ken mamati iti peke a damag, kangrunaan na ti isyu kadakuada ken ni Ion.