Triple threat para kay Donny Pangilinan ang kanyang ka-love team na si Belle Mariano.

May solo prod kasi ang dalaga sa ‘ASAP’, pero bago siya mag-perform ay in-intro muna siya ng mga host ng programa at isa nga sa mga ito ay si Donny.

“Ang next sa ‘ASAP’ stage, naku, hindi lang total performer, isa rin siyang triple threat,” sey ni Donny na natigil sa pagsasalita dahil sa pagsingit ni Robi Domingo.

“Alam ko kung bakit triple threat, dahil para sa iyo, ‘I love you’,” sey ni Robi kay Donny.

Paliwanag naman ni Donny kung bakit triple threat para sa kanya si Belle, “Dancer, host pa, siyempre magaling na actress.”

Kilig na kilig nga ang live audience at DonBelle fans sa paliwanag ng binata, pero hindi pa diyan natapos ang kilig nila.

Habang nagpe-perform kasi si Belle ay pinapakita si Donny na nakangiting pinapanood ang dalaga.

Kitang-kita nga ang pagka-proud ni Donny sa performance ni Belle, na todo ang pag-perform habang binubuhat ng dancers.

After ng performance ay binunyag ng dalawa na magsisimula na ang ikalawang cycle ng taping ng kanilang upcoming series na ‘How to Spot a Red Flag’, na mapapanood sa Viu simula November 25.