Watch Now: Belle Mariano’s Shocking Fan’s Overreaction in Davao Goes Viral/hi
Belle Mariano’s awkward fan encounter in Davao goes viral
The young actress received praise from netizens for her composure.
Kapamilya actress Belle Mariano had an interesting moment with a fan during an event in Davao over the weekend. Netizens commended Belle for the way she handled the situation.
PHOTO/S: Star Magic (Facebook), TikTok
Kumakalat online ang video kuha sa isang event sa Davao City na kung saan makikita ang aktres na si Belle Mariano at interaksyon nito sa isang tagapanood.
Naganap ang insidente nung Sabado, August 31, 2024, sa University of Southeastern Philippines Gymnasium para sa Star Magic Shooting Stars Exhibition Game na kinalahukan din ng love team partner ni Belle na si Donny Pangilinan.
Sa video ay makikita ang paglapit ng isang fan sa batang aktres matapos ang performance number nito.
Photo/s: Ms. Shai TikTok
May dalang bouquet of white flowers ang nasabing fan na nais nitong iabot kay Belle.
Nagkaroon ng kaunting tensyon dahil hindi agad umalis ang fan at nanalagi pa ito sa loob ng basketball court malapit sa aktres.
SECURITY STAFF STEPS IN
Nang unang lumapit ang fan kay Belle ay may sumunod na agad na security personnel dito para sumaklolo sakaling may hindi magandang motibo ang fan.
Trabaho ng event marshals na pangalagaan ang seguridad ng mga tao sa loob ng venue, kasama ang mga artista at special guests ng isang event.
Dumistansya ang security personnel matapos itong sabihan ng fan na lumayo habang nagtatangka itong magpa-picture kasama si Belle.
Game naman ang aktres na magpakuha ng larawan at makikitang hindi nito inalintana ang pag-akbay ng fan sa kanyang braso.
Ngunit maya-maya ay lumapit na rin ang ibang security staff para mamagitan lalo pa’t wala ng distanya sa pagitan ng fan at ni Belle.
Hinikayat ng marshals ang fan na bumalik na sa upuan nito subalit patuloy itong nagmatigas.
Dinampot ng fan ang bulaklak na ibinaba niya sa sahig at inabot ito kay Belle.
