“I felt so bad.” Ito ang tinuran ni Claudine Barretto patungkol kina Jodi Sta. Maria at Raymart Santiago.

Ani Claudine, nag-reach out siya kay Jodi nang marinig ang ukol sa relasyon ng dalawa.

“I was very, very close to Jodi. That’s why I really felt so bad na hindi niya sinabi,” sambit ng dating karelasyon ni Raymart. “Ang ginawa ko, kinuha ko ang number niya kay Raymart, ako ang tumawag sa kanya. Nagkausap kami,” paglalahad pa ni Claudine.

Sinabi ni Claudine na naging maayos ang usapan nila ni Jodi. “Mayroon akong isang hiniling sa kanila na umoo sila. It was for the kids (Sabina and Santino). Hindi sila… they didn’t live up kung ano ‘yung promise nila. ‘Yon ‘yung medyo hindi okay.”

Pero iginiit ni Claudine na hindi siya against sa relasyon ng dalawa. “I think everybody deserves to be happy. Kahit hindi kami nagkakasundo ni Raymart. At the end of the day, I want them to be happy. Kasi, at the end of the day, he’s still the father of my children,” pagkaklaro ng aktres.

May pakiusap lang si Claudine, “Ang akin lang, huwag lang niyang (Raymart) kalimutan ang mga responsibilidad niya. Kasi medyo hindi niya nagagawa ‘yung dapat niyang gawin eh. Hindi siya sumusunod eh. ‘Yun lang naman ang akin. Kung anong mayroon sila sa buhay nila, okay, go.”