Nagtatalon na naman sa kilig ang KimPau fanatics nang masipat ng mga ito ang naging reaksiyon ni Paulo Avelino sa IG post ni Kim Chiu, na ngayon ay nasa Korea pa rin para sa Seoul International Drama Awards 2024.

Nag-react si Paulo Avelino sa mensahe ni Kim na nagpapasalamat ito sa recognition na ibinigay sa kanya ng nasabing South Korea based international award giving body para sa award nito bilang “Most Outstanding Asian Star”.

Sabi ni Kim sa kabuuang mensahe niya sa post, “Beyond grateful to be recognized as the Most Outstanding Asian Star at the Seoul International Drama Awards 2024. Honored to represent the Philippines on this incredible stage! Thank you Abs Cbn @starmagicphils, @dreamscape #Linlang family and to all my supporters.”

Sinundan niya ito ng heart icon, Korean flag, hand praying at Philippine flag emojis.

Kabilang sa bumati kay Kim si Paulo.

Isinulat ng aktor ang katagang “Congratulations!” kasunod ng isang clapping hand emoji.

Sey ng mga netizen sa thread ng comment ni Paulo, ang reaksyon daw talaga ng aktor ang hinihintay nila na nangyari na.

Marami sa mga faney ang parang nanalo ng “lotto” na nagsasabing “masayang-masaya ako”.

Ikinatuwa ng marami ang pagiging proud ni Paulo kay Kim sa kanyang award.

Umabot na sa higit 368 ang comment thread sa reaksiyon ni Paulo sa post na ito ni Kim.

Samantala, tinatawag ngayong “Global Filipina”, “Queen”, “Outstanding Asian Star” si Kim kaugnay sa award nito.

Gaya ng dapat asahan, pagkaganda-ganda ni Kim sa kanyang peach makeup at color motif ng suot nitong gown. (Rey Pumaloy)