Napahanga ni Kapuso actress Barbie Forteza ang It’s Showtime hosts.
May paramdam pa ang Kapamilya hosts na gusto nilang mapabilang si Barbie sa Kapamilya noontime show.
Isa si Barbie sa GMA-7 artists na naimbitahang mag-perform sa opening number ng It’s Showtime nitong Sabado, July 1, 2023.
Nitong Sabado ang simula ng pag-ere ng Kapamilya noontime show sa GTV o Good Televison, isang free-TV channel na pagmamay-ari ng GMA-7.
Si Barbie ay nag-perform ng dance number kasama ang Kapamilya stars na sina Kim Chiu, Alexa Ilacad, at Belle Mariano.
Sa opening spiels ng It’s Showtime hosts, nabigyan ng pagkakataon na bumati ang Kapuso stars na nag-guest.
Mahihinuhang dito na nakuha ni Barbie ang atensiyon ng ilang It’s Showtime hosts.
Unang ipinakilala ni Kim sina Alexa at Belle at pagkatapos ay ipinakilala si Barbie.
Pagpapakilala ni Kim: “At siyempre, ang Kapuso Primetime Princess Barbie Forteza!”
Inabutan ng bouquet of flowers ang nagulat na si Barbie.
“Thank you! Maraming salamat, Showtime family,” anang kinikilig na si Barbie.
“Thank you, Barbie,” sabi ni Vice.
Barbie: “Puwede po bang bumati?”
Vice: “Go, Barbie…”
Bumuwelo si Barbie at sumigaw ng: “What’s up, madlang people?!”
Naghiyawan ang lahat at sumayaw sa isang upbeat novelty song.
“We love Barbie,” sabi pa ng main host na si Vice.
Pagkatapos ay nagbiro pa si Vice kay Barbie na mukhang matagal nang gustong isigaw ng Kapuso actress ang opening greeting ng It’s Showtime.
Ibinuko pa ni Vice na It’s Showtime ang pinapanood ng nanay ni Barbie.
“BAGAY SI BARBIE SA IT’S SHOWTIME”
Nagsunud-sunod ang tweets ng It’s Showtime hosts kaugnay ng pag-guest ni Barbie sa noontime show. Halatang nagustuhan nila ang ipinamalas ni Barbie sa pag-guest niya.
Nag-tweet sina Vice, Kim, Jugs Jugueta, at Karylle na sinagot naman ni Barbie.
Tweet ni Vice: “Bagay si Barbie sa It’s Showtime. I love her vibe.”
Sagot ni Barbie: “Omg! Maraming salamat po! G na G po ako!”
Ani Kim (published as is): “Nice to finally meet you barbie!”
Reply ni Barbie: “Honored to have shared the dance floor with you po, Captain!”
CONTINUE READING BELOW ↓
NOOD KA MUNA!
Makahulugan din ang tweet ni Jugs para kay Barbie, na nag-tweet na 11:00 am ang call time nila sa Monday episode ng It’s Showtime.
May halong birong pag-oo ni Barbie: “Waaahhh!!! Copy po eme”
Nag-hello din kay Barbie si Karylle na hindi nakasama nitong Sabado dahil may theatre performance.
Nag-hello back naman si Barbie.
Samantala, ang iba pang Kapuso artists na kasama sa halos 30-minute-long opening production ng It’s Showtime kahapon ay sina Pokwang, Sanya Lopez, at magkapatid na Rayver Cruz at Rodjun Cruz.
