Kuh Ledesma opens up about failed marriage: “I was so broken.”
“Talagang wala akong maisip kundi the pain, the betrayal, and all that.”
Sa isang pambihirang pagkakataon, kusang-loob na nagbahagi si Pop Diva Kuh Ledesma ng kinahinatnan ng kanyang married life.
PHOTO/S: @kuhledesma on Instagram / File
Alam ng publiko na malaki ang pagpapahalaga ni Kuh Ledesma sa pribadong pamumuhay nito kaya isang rebelasyon ang mga pahayag niya tungkol sa kanyang personal na buhay.
Kabilang na rito ang mga nangyari sa pagsasama nila ng ex-husband na si Louie Gonzales.
Hindi inaasahan ang kusang-loob na pagkukuwento ni Kuh nang magsalita ito tungkol sa kapwa niya singers na sina Pops Fernandez at Jaya.
Magkakasama ang tatlo sa 3 Divas, ang concert nila na magaganap sa Fantasy Springs Resort Casino sa Coachella Valley, California, sa November 12, 2022.
ADVERTISEMENT – CONTINUE READING BELOW ↓
Pops Fernandez, Kuh Ledesma, and Jaya
“Kaming tatlo, we have truly matured as singers and as individuals. Lahat kami, believers,” bahagi ng pagsasalarawan ni Kuh tungkol sa pagkatao nila nina Pops at Jaya.
“Alam niyo ba na si Jaya noong nag-Power of Two [concert nila noon ni Jaya] kami, noon ako nakipaghiwalay sa husband ko?
“And I was so broken. A few days na lang, mag-o-open na kami, tumawag ako kay Tita Pilits [Pilita Corrales, former manager ni Jaya].
“Sabi ko, ‘Tita Pilits, hindi ko kayang kumanta. Bigyan mo lang ako ng another two weeks, iiiyak ko lang ito.’
“And I know, I think Jaya was a little bit, or maybe, very disappointed. Pero sabi ko, ‘Paki-explain mo na lang kay Jaya because hindi ko talaga kaya.’
“Talagang wala akong maisip kundi the pain, the betrayal, and all that. But noong nag-show na kami, talagang ang ganda ng repartee at duets namin.
ADVERTISEMENT – CONTINUE READING BELOW ↓
“Siyempre, may mas hugot, di ba?” salaysay ni Kuh tungkol sa pagsasama nila ni Jaya sa isang concert na naging instrumento para lumalim ang kanilang pagkakaibigan at pagkakaroon ng kakaibang pagmamahalan mula nang maging “sisters in Christ” sila.
Jokingly, sabi ni Kuh, “Si Pops naman, ipinagdarasal ko palagi na huwag munang magka-boyfriend.
“Makamandag ang aking dasal, sabi ni Lord, Siya lang daw talaga ang boyfriend mo.”
LESSON KUH LEARNED FROM POPS
Kidding aside, ipinaalala ni Kuh kay Pops ang isang importanteng aral at dasal na natutunan niya mula sa Concert Queen ng Pilipinas.
“There was one prayer na sinabi sa akin ni Pops na ginagamit ko. Ginamit ko especially when I was still very heartbroken.
“Katulad ni Boy Abunda, one time sabi niya sa akin, ‘Kuh, akala ko ikaw yung kasama ng husband mo. Iba pala, kasi parehas ng body mo ang figure nung girl at saka yung hair, mahaba rin.’
“Muntik na raw niyang kalabitin. Siyempre, kapag nakakarinig ako nang ganoon when I was not strong yet, as a Christian, parang ginigirit yung dibdib ko.
“So Pops taught me, started praying, that no matter what her children would hear in school about their separation, she prayed that ‘Lord, would you deafen my children’s ears from those stories?’
“So, alam mo, Pops, ang laking bagay nun. I started praying that even for Isabella and for myself.”
Si Isabella ang nag-iisang anak ni Kuh.
Patuloy ng pop Diva, “Si Pops, ang na-admire ko sa kanya, she’s really very independent.
“She travels alone when she wants to travel alone. She’s not insecure, and she’s very masipag, napakasipag, and very professional at napakagaan katrabaho.
“I must say, si Pops talaga, actually ito ang sinasabi ko, sa lahat ng artista na nakatrabaho ko, napakadisente ni Pops.
“Ang ibig kong sabihin ng disente, magaling siyang makisama.
ADVERTISEMENT – CONTINUE READING BELOW ↓
“Siyempre, masarap yun. Kahit ganoon ka kalaking artista, masarap yung kasama mo, magaan kasama.
“Secure ka na hindi ka tatarayan, hindi ka lalamangan.”
