Nora Aunor, no show sa kasal ni Lotlot

Ibahagi

WALA si Nora Aunor sa kasal ng panganay niyang si Lotlot de Leon kay Fadi El Soury, at siya lang ang kulang para makumpleto ang pamilya ni Lotlot. Dumating kasi si Christopher de Leon, ang asawang si Sandy Andolong-de Leon, ang mga anak ni Boyet at ang ina nitong si Lilia Dizon.

Kumpleto rin ang mga kapatid ni Lotlot at ang mga anak nina Ramon Christopher sa pangunguna ni Janine Gutierrez. Sina Boyet at ang anak ni Lotlot na si Diego Gutierrez ang naghatid kay Lotlot sa altar.

Nag-isang dibdib sina Lotlot at Fadi sa El Jardin De Zaida sa San Juan, Batangas na pagmamay-ari ng pamilya ni Pia Guanio.

Tsika at Intriga

Nakakaiyak ang speech ni Janine at habang nagsasalita ay napaiyak din ang young actress. Ang speech naman ni Boyet ang nagpaiyak kay Lotlot at sa mga bisita nila ni Fadi. Nagbalik-tanaw kasi si Boyet noong maliit pa si Lotlot at inilarawan niya ang bride na isang mabait na anak at kapatid. Pinasalamatan din ng aktor si Lotlot sa pagiging mapag-arugang kapatid. Sa parteng ito na umiyak si Lotlot dahil totoo naman, mabait siyang “ate” sa mga kapatid at kahit may mga asawa na ang mga ito ay patuloy pa rin ang pag-aalaga niya sa kanila.

Best wishes and congratulations, Fadi and Lotlot!