Paulo Avelino nagpa-survey sa love team nila ni Kim

Humakot ng approval mula sa netizen si Paulo Avelino nang kunin nito ang reaksyon ng mga faney sa plano niyang dalhin sa isa pang social media platform ang tambalan nila ni Kim Chiu o KimPau.

Sa kanyang X post, nagpa-survey si Paulo kung dapat ba siyang gumawa ng KimPau sa Discord Channel.

Sabi pa niya, “Goodvibes lang. Moderated so walang nega at toxic.”

Makikita sa poll na 90% ang ‘YES’ samantalang 3% lamang ang ‘NO’, at 8% ang nagtatanong kung ano ang Discord.

Para maintindihan ng lahat ipinoste ng isang faney kung ano ang Discord Channel. Gaya rin ito ng X, pero mas magkakaroon ng pagkakataon na makapag-usap through text ang lahat ng sasampa sa chat.

Maaari ring makapag-usap through voice chat ang bawat isa, at inaayos nito ang usapan ng mga participants na umiikot sa kanilang topics o activities. Mabibigyan rin ng pagkakataon magpalitan ng opinyon ang bawat at diskusyon ayon sa kanilang interes.

Nasabik at natuwa naman ang mga netizen dahil magkakaroon sila ng chance na mag-usap ang lahat ng KimPau fans.

Naaliw lang ang mga faney kay Paulo. Halatang excited ito at gustong alagaan ang team-up nila ni Kim lalo’t sya ang unang nag-initiate ng bagong channel para sa mga fans nila ni Kim.

Sinusulat ang item na ito, wala pang reaksyon si Kim. Pero sigurado namang susuporta dito si Kim.