Trust ni Kathryn Bernardo, mahirap ibalik

Tila mahirap palang makagawa ng hindi maganda sa Outstanding Asian Star na si Kathryn Bernardo.

Sa latest episode kasi ng Rec•Create nitong Sabado, Nobyembre 16, sumalang si Kathryn sa Lie Detector Drinking Game kasama ang “Hello, Love, Again” co-star niyang si Alden Richards.

Isa sa mga nabunot na tanong ni Kathryn ay kung naniniwala ba siya sa second chance. Kailangan niyang sumagot nang tapat dahil kung hindi, makukuryente siya at iinom ng alak.

“Naniniwala ka ba sa second chances? Yes or no?” usisa ni Alden

Ang hirap,” sagot ni Kathryn, ” no na lang.”

Ngunit batay sa lie detector machine, hindi umano nagsabi nang totoo ng totoo si Kathryn. Kaya naman tinanong ulit siya ni Alden kung bakit niya nasabing hindi siya naniniwala sa second chance.

“Kasi sobrang hirap ibalik ng tiwala ko. Siyempre we all deserve second chances, we all want to have second chances,” paliwanag ni Kathryn.

Dagdag pa ng aktres: “Depende kasi. It’s a case-to-case basis kung ano ‘yong nagawa mo; gaano mo nasaktan ‘yong tao, and kung magbabago ka ba. It’s who you give your second chances.”

Matatandaang minsan na ring inilahad ni Kathryn ang pananaw niya hinggil sa konsepto ng second chance sa ginanap na press conference ng “Hello, Love, Again” noong Oktubre.