The dramatic battle between It’s Showtime and V. Eat Bulaga is getting intense, making netizens on both sides excited…
Its Showtime V. Eat Bulaga, Alin Ang Mas Panonoorin
Sa napipintong paglipat ng It’s Showtime sa main channel ng GMA Network, muli na naman silang magkakatapat ng Eat Bulaga sa mga television channels na naaccess ng karamihan sa mga manonood.
Inaasahan ngayon ng maraming mga televiewers ang pagpapataasan ng ratings ng dalawang mga noontime shows na noon pa man ay magkatapat na, sa kung anong shows ang mas papanoorin at tatangkilin ng mga manonood sa lahat ng sulok ng bansa.
Samantala, nitong sabado, usap-usapan ang isyung nakakuha umano ng mas mataas na ratings ang It’s Showtime kaysa sa Eat Bulaga kahit pa hindi pa ito lumipat sa main channel ng GMA Network, habang nasa GTV pa lamang ito.
Sa kabilang banda, sa isang episode ng programa ng kilalang showbiz columnist na si Cristy Fermin, naniniwala siyang wala nang dapat pang patunayan ang TVJ na main host ng noontime show na Eat Bulaga dahil hawak na nila ang titulo bilang longest running noontime show ng bansa.
Hindi naman umano ito tatagal ng mahigit apat na dekada kung hindi ito sinusubaybayan ng maraming mga manonood.
Iginiit pa ni Cristy Fermin na hindi na umano uso ngayon ang bardagulan at pasaringan ng maaanghang na salita sa mga noontime shows.
Ayon pa kay Cristy Fermin sa Eat Bulaga, iyong hindi masatsat ‘yun ang wala na silang iniiisip at wala na kasing dapat pang patunayan, iyon yung mga tahimik lang.
Pagpapayo pa ni Cristy Fermin para sa mga noontime shows, na ang mas mahalaga ay babantayan nila ang kanilang programa, paghuhusayan pa nila lalo para sa ikakatuwa ng mga manonood.
Dagdag pa ni Cristy Fermin, “Hindi iyong kung ano-anong sasabihin, bardagulan dito, personalan jan. Hindi na po uso yun ngayon.”
Matatandaan na matapos ang permahan ng kontrata sa pagitan ng GMA Network at GMA7 noong nakaraang myerkules March 20, 2024 ay naglabas ng joint statement ang nasabing mga networks kung saan inilahad nila ang opisyal na petsa kung kailan magsisimula ang pag-ere ng It’s Showtime sa GMA7.
