Maricel, ‘di pinapakailaman buhay ni Donny: ‘We manage him but we don’t own him’

Napag-usapan ang role ng aktres na si Maricel Laxa sa buhay ng kaniyang anak na si Donny Pangilinan hindi lang bilang ina kundi bilang manager nito.

Sa latest episode ng “Fast Talk with Boy Abunda” nitong Martes, naitanong kay Maricel kung nakikialam ba siya kung sino ang dine-date o inilalabas ng anak niya.

“Nakikialam ba ang mommy—ang management house—doon sa mga, halimbawa, naririnig…’Donny, you have to tell us who you’re dating; Donny, you have to tell us who you going out with?” usisa ni Boy.

“We manage him but we don’t own him. That’s very clear,” sagot ni Maricel.

Dagdag pa niya: “We’re just taking care of him. We’re helping take care of what he has so that he can be better at what he’s doing to help other people.”

Matatandaang mina-manage ng mag-asawang Maricel at Anthony Pangilinan si Donny sa career nito bilang isang artista.