Para kay Donny Pangilinan, hindi dapat lagyan ng malisya ang nag-viral na video nila ni Kathryn Bernardo sa kasal ni Robi Domingo
PHOTOS: @bernardokath & @donny on Instagram
Ayon kay Donny Pangilinan, nagkakasiyahan lang sila sa nag-viral na video n’ya kasama si Kathryn Bernardo noong kasal ni Robi Domingo. Nilinaw n’yang magkakaibigan sila at walang dapat ipag-alala ang mga fans dahil ang nasabing video ay nabahiran lang ng malisya.
Wala raw ibang kahulugan ang nag-viral na video ng aktor na si Donny Pangilinan kasama ang aktres na si Kathryn Bernardo.
Iyan ang sabi n’ya nang matanong tungkol dito sa naging media conference nila for his film GG (Good Game): The Movie nitong January 10.
Ang tinutukoy na nag-viral na video ay kinunan sa kasal ng TV host na si Robi Domingo at wife na n’ya ngayong si Maiqui Pineda last January 6.
Nabigyan kasi ng iyon ng malisya dahil “binabakuran” umano ng aktor ang kanyang fellow Kapamilya star. Pinaka nag-react dito ay ang mga DonBelle fans nila ni Belle Mariano.
Kaya naman nang matanong ang aktor tungkol dito sa naganap na media conference, nilinaw n’yang nagkakasiyahan lang sila at magkakaibigan silang lahat.
“We had a great time. Lahat naman kami, friends sa showbiz, so binabantayan namin ang isa’t isa. ’Yon lang ’yon,” he said.
“I think for me, it’s just having peace of mind na friends kaming lahat and okey kami, enjoy namin ang trabaho namin, and that’s the most important thing,” dagdag pa n’ya.
Nauna nang dinepensahan ni Robi si Donny dahil sa malisyosong post ng isang X user about the actor.
Sey ng Kapamilya TV host, magkakaibigan sila at nagmagandang loob daw ang aktor sa pag-e-entertain sa kanilang mga bisita sa wedding reception.
“Just for the record: we’re all friends here. We’ve got each other’s backs. No issues, please. [Hand with index finger and thumb crossed emoji],” pahayag ni Robi.
“Also, being the groomsmen, @donny and @Espanto2001 helped us out in taking care of all of the guests,” pagtatapos n’ya.
Samantala, bibida si Donny sa esports film na GG (Good Game): The Movie.
Kasama n’ya rito ang mommy n’yang si Maricel Laxa, Boots Anson-Roa, Baron Geisler, Gold Aceron, Johannes Rissler, at marami pang iba.
Mapapanood ang GG (Good Game): The Movie starting January 24 in cinemas nationwide.