VMX sexy star Sheena Cole, hindi Gina ang real name

VMX sexy stars, walang sapawan sa sexy-comedy gag show na Wow Mani.VMX sexy star Sheena Cole (left) is part of the sexy-comedy gag show Wow Mani, headed by comedian-singer Janno Gibbs (right).Kabilang si Sheena Cole sa cast member ng Wow Mani, ang riot at sexy gag show na napapanood sa VMX simula noong Enero 7, 2025.

Ang Wow Mani ang kauna-unahang proyekto ni Sheena bilang VMX star.

Kasama siya sa labimpitong (17) artista ng sexy gag show na ipinakilala sa media conference na ginanap nitong Huwebes ng hapon, Enero 16, sa Vivamax Café, Quezon City.

Ang Wow Mani konsepto ng direktor na si Dominador Isip III.

Itinuwid ni Sheena ang maling akala na “Gina” ang tunay na pangalan niya.

“Ang totoong name ko po talaga is Sheena.

“So, para raw po medyo catchy, ginawang po na Cole ang family name ko,” pagtutuwid ni Sheena.

Sinundan niya ito ng birong hindi si “Janno Cole” ang nagbigay ng kanyang screen name.

Natatawang pinaboran ni Janno ang pahayag ng baguhang VMX star.

WALANG SAPAWAN

Niliaw rin ni Janno na hindi nagkakasapawan sa mga eksena ang female cast ng Wow Mani.

Ayon sa comedian-singer, “Unang-una, hindi lahat ng girls ay mapapanood in one episode. They’re spread out throughout the episodes, I think mga eight sila per episodes.

Palit-palit sila at may iba-iba sila na mga portion.”

Sinang-ayunan din ito ng VMX star na si Salome Salvi.

Aniya, “Based on my experience, lahat kami nabigyan ng ample time to shine.

“And pre-prod pa lang, nakita naming lahat na binigyan kami ng mga piyesa at sketches na bagay sa amin, kung saan magsa-shine yung inner qualities namin.

“I was happy with the time I was given and I am very happy that that time was also given to everybody else, whether bago o hindi.”

Kasama rin sa cast ng Wow Mani ang veteran sexy stars na sina Yda Manzano at Krista Miller, ang nagbabalik-showbiz na si Sunshine Guimary, at ang VMX actors na sina Nico Locco at Aerol Carmelo.