Team Ogie, Kim, Lassy, MC wins “Magpasikat 2024”

Angat Buhay Foundation to receive their prize as donation.

Overwhelmed with emotions Kim Chiu, Lassy Marquez, MC Muah Calaquian, and Ogie Alcasid with their PHP300,000 check for winning “Magpasikat 2024” on It’s Showtime

Ang Team nina Ogie Alcasid, Kim Chiu, Lassy Marquez, at MC Muah Calaquian ang itinanghal na panalo sa “Magpasikat 2024” ngayong araw, Sabado, October 26, 2024.

Ito ay matapos silang bigyan ng pinakamataas na score ng limang hurado pagkatapos ng kanilang buwis-buhay “Magpasikat” performance noong Martes, October 22.

Sa nasabing “Magpasikat” performance ay ipinamalas nila ang kanilang mga insecurity at iba pang pinagdaraanang hirap sa kanilang showbiz careers.

Ang mga hurado ay sina Direk Rory Quintos, Donny Pangilinan, Gabbi Garcia, Alice Dixson, at Freddie M. Garcia.

Magpasikat judges (from left) Gabbi Garcia, Alice Dixson, Freddie M. Garcia, Rory Quintos, and Donny Pangilinan.

Nanalo ang Team Kim at Ogie ng PHP300,000 para sa kanilang chosen charity na Angat Buhay Foundation.

Inalay rin nila ang pagkapanalo sa mga biktima ng Bagyong Kristine.

“Malaking tulong po ito sa mga nasalanta,” pahayag ni Kim.

Nagpasalamat din sila sa mga staff at production crew na tumulong sa kanilang performance.

Ito na ang pang-apat na pagkapanalo ni Kim sa “Magpasikat.” Nanalo rin siya noong 2020, 2021, at 2023.

Ito naman ang unang beses na nanalo sina Ogie, MC, at Lassy.