KIM CHIU, NALULUHANG NAKIUSAP KAY XIAN LIM NA TIGILAN NA ANG PAGDALDAL TUNGKOL SA NAKARAAN NILANG RELASYON.
Tinapos na ni Kim Chiu ang kanyang pananahimik sa mga naging pahayag ni Xian Lim pagkatapos ng kanilang breakup.
Matatandaang madalas na nagku-kwento si Xian tungkol sa past relationship nila ni Kim sa ilang press conference, na ikinadismaya ng aktres.
Sa panayam ng ABS-CBN, sinabi ni Kim na gusto niyang simulan ang taon nang bago, ngunit napigilan ito ng paulit-ulit na daldalan ni Xian tungkol sa kanilang nakaraan.
“Parang ‘yung post ko nung December sabi ko, this will be the last time na pag-uusapan ko ito. Pero parang ang dami pa rin. Parang hindi naman siya mapag-uusapan kung no one’s lighting the fire,” ani Kim.
Ayon sa kanya, umaasa siyang tigilan na ni Xian ang pag-uusap tungkol sa kanilang nakaraan.
“Kasi paulit-ulit na lang. Let’s give it a rest and let’s leave respect to each other,” naluluhang pahayag ni Kim.
Sa kabila ng pakiusap ni Kim ay nagpaunlak parin ng panayam si Xian sa kanyang network at nagkwento muli tungkol sa relasyon nila ng kapamilya actress.
Sa kabila ng patuloy na pagsasalita ni Xian tungkol sa kanyang ex-girlfriend, itinanggi niya na ginagamit niya ang aktres para mapag-usapan ang kanyang proyekto.
Pinuna naman ng mga netizens si Xian dahil sa kahit mayroon na itong nobya na isang movie producer ay puro si Kim parin ang bukambibig ng aktor.
