Vice Ganda Muling Binuking Ang Estado Ng Relasyon Nina Kim Chiu at Xian Lim

‘
Naging sunod-sunod ang hirit ni Vice Ganda sa kamakailang episode ng It’s Showtime kung saan tila binuking niya ang kasalukuyang estado ng relasyon nina Kim Chiu at nobyo nitong si Xian Lim. 

Pinuna ni Vice Ganda ang napapansin niyang pananahimik lately ni Kim Chiu. Hayagan nang tinanong ni Vice Ganda si Kim Chiu kung ano ang dahilan ng pananahimik umano nito lately na tila ikinababahala na niya.

Tila na-miss na umano ni Vice Ganda ang dating ingay ni Kim Chiu. Ikinagulat naman ni Kim Chiu ang hayagang pagtanong sa kanya ni Vice Ganda na tiyak pagmumulan na naman ng isyu.

Buti na lamang at sinalo ni Vhong Navarro si Kim Chiu na tila hindi makapagsalita sa mga hirit ni Vice Ganda.

Ayon kay Vhong Navarro, baka napagod lng si Kim Chiu dahil galing pa itong taping. Kaagad naman itong sinang-ayunan ni Kim Chiu.

Kalaunan ay binawi naman ni Vice Ganda ang kanyang naging hirit kay Kim Chiu lalo na sa sinabi niyang inom na inom na ito ngayon, nang mapansin niyang nakaramdam na ng pagka-awkward si Kim Chiu.

Sa ngayon ay nirerespeto ng mga KimXi fans ang hindi pa pag-amin nina Kim Chiu at Xian Lim sa kasalukuyang estado ng kanilang relasyon.

Matatandaan na nagviral noon ang pag-attempt ng ABS-CBN reporter na kapanayamin si Kim Chiu kung saan tinanong nito ang patungkol kay Xian Lim. Makikitang tumanggi noon si Kim Chiu at sinabing ayaw na muna niyang magbigay ng anumang pahayag.