May the best man win.
Kathryn Bernardo courted by Alden Richards, Jericho Rosales and Donnie Pangilinan
According to PEP.ph’s multiple sources, Kathryn Bernardo’s suitors included Alden Richards, Jericho Rosales and Donny Pangilinan, but one or two of them appear to have stopped already. One source is uncertain if Jericho is still courting Kathryn to date. Another source points out that Donny attempted to court Kathryn, but opted to stop at some point

Hindi lang isa, hindi lang dalawa, kundi tatlong bigating aktor at certified heartthrobs ang sinasabing nanliligaw kay Kathryn Bernardo, 28.

Ang Kapuso prime star na si Alden Richards, 32; award-winning actor na si Jericho Rosales, 44; at young heartthrob na si Donny Pangilinan, 26, ang nabalitang nauugnay kay Kathryn nitong nakalipas na mga linggo.

Ito ay sa gitna ng napapadalas na sightings ng tatlong aktor sa mga importanteng okasyon sa buhay ni Kathryn.

Limang reliable sources ang kinausap ng PEP.ph (Philippine Entertainment Portal) tungkol sa isyu.

Ayon sa First Source na may personal na alam sa mga kaganapan, kumpirmadong nanliligaw sina Alden at Jericho kay Kathryn.

Totoo rin daw na may nilulutong proyekto para kina Alden at Kathryn, na matagal nang inaawitang masundan ang blockbuster movie nilang Hello, Love, Goodbye (2019).

Pero ipinunto rin ng First Source na walang kinalaman sa trabaho ang private parties ni Kathryn na dinaluhan ni Alden, at makikita roong nag-e-enjoy ang mga ito sa company ng isa’t isa.

Time will tell kung mauuwi sa higit sa pagiging magkaibigan at onscreen partner ang ugnayan ng dalawa.

Sabi naman ng Second Source, si Jericho ang masisiguro niyang may gusto kay Kathryn.

May mga kaibigan daw si Jericho na kinakantiyawan ito sa pagporma niya sa dalaga, at ang sagot daw ni Jericho ay “Puwede pa naman, di ba?”

Hindi lang masiguro ng Second Source kung tuloy pa rin ang panliligaw ni Jericho kay Kathryn ngayon.

Sa housewarming party ni Kathryn, hindi namataan si Jericho, habang si Alden ang lumitaw na masugid sa pag-alalay sa dalaga.

Hindi malinaw kung imbitado o hindi si Jericho sa housewarming party.

Napag-alaman naman ng PEP.ph mula sa Third Source na nagsabing nanliligaw rin si Donny kay Kathryn.

Single daw si Donny at walang karelasyon ngayon.

Nagtanong pa ang PEP.ph sa isang Fourth Source na nagsabing single nga si Donny.