Divina Valencia, Binuking Ang Palusot ng FAMAS Organizers Sa Ginawa kay Ms. Eva Darrens

Hindi naitago ng beteranang aktres na si Divina Valencia ang kanyang pagkadismaya sa paliwanag ng FAMAS organizers kung bakit pinalitan nila si Eva Darren bilang isa sa mga presenter sa naganap na awards night ng FAMAS noong linggo May 26, 2024. 

Matatandaang biglang pinalitan ang beteranang aktres na si Eva Darren bilang award presenter ng isang newbie singer na si Sheena Palad, dahil hindi raw nila mahanap si Eva Darren noong mga panahong dapat ay umakyat na sila sa stage ni Tirso Cruz III.

Gayunpaman, iginiit ni Divina Valencia na mahirap paniwalaan ang alibi ng FAMAS dahil nakaupo lang naman si Eva Darren sa harap ng stage nang bigla siyang palitan ni Sheena Palad sa pagiging presenter.

“Hindi ko matatanggap ang dahilang napakalaking katarantaduhan na hindi makita si Ms Eva Darren Isa siya sa mga naunang dumating. Kasama ang kanyang 4 na apo umasang makikita ang kanilang GrandMa na papanhik sa stage na kasama si Mr. Tirso Cruz,” pahayag ni Divina Valencia.

Ipinunto rin niya na ang excuse na ibinigay ng FAMAS ay napaka-narrow. It’s a big BS para lamang makagawa umano ng palusot matapos nilang saktan ang damdamin ni Ms. Eva Darren kasama ang mga apo na umasa subalit nauwi lamang sa pagkabigo at pagkapahiya.

Isiniwalat din ni Divina Valencia na bawat mesa ay may mga label na may mga pangalan ng mga bisitang dumalo sa show kaya hindi umano katanggap-tanggap ang palusot ng mga organizers na hindi nila nakita sa Ms. Eva Darren kaya napilitan silang palitan ito bilang award presenter.

“Hindi ma-locate eh lahat ng mga artistang dumating, may upuang nakapangalan ng bawat nakaupo?” 

Samantala, naglabas na ng pahayag si Sheena Palad kung saan iginiit niyang hindi naman niya alam na si Ms. Eva Darren pala ang kanyang pinalitan dahil bigla na lamang umano siyang nilapitan ng isang staff at hiningan ng pabor na maging award presenter.