Belle Mariano addresses bashers telling her, “Hindi ka maganda.”

Belle Mariano reacts to negative feedback amid her livestream.

Swabe ang reaksyon ng Kapamilya actress na si Belle Mariano nang bigla siyang okrayin sa gitna ng kanyang impromptu singing performances via livestream

Hindi inasahan ni Belle Mariano, 19, na ang pagnanais niyang makita siya ng fans sa isang impromptu performance ay nasingitan ng pangmamaliit sa kanya ng ilang bashers.

Si Belle ay Kapamilya star na kinagiliwan sa tambalan nila ni Donny Pangilinan sa defunct weekly series na He’s Into Her. May uniname silang DonBelle.

Nakilala rin si Belle sa pelikulang Four Sisters Before The Wedding noong 2020.

Nag-livestream si Belle noong gabi ng November 3.

Para pasiyahin ang netizens, sunud-sunod ang pagkanta ni Belle ng mga awiting tulad ng “12:51,” “I Knew You Were Trouble,” at “Maybe This Time.”

May isang punto kunsaan habang kumakanta siya ng “Maybe This Time,” lumingon si Belle para magbasa ng comments sa live stream.

Dito bahagyang makikita na mula sa maaliwalas niyang pagkakangiti ay biglang napakunot ng noo si Belle habang tinitingnan ang comments ng netizens.

Sinasabing dito niya nabasa ang batikos ng bashers tungkol sa kanyang pisikal na hitsura.

Sabi ng isang basher kay Belle, “Hindi ka maganda.”

May nagkomento rin na “ang laki nang ilong” ni Belle.

Hindi inurungan ni Belle ang bashers.

Sa halip na mairita, swabe ang sagot niya sa mga ito.

Sabi ni Belle, “Sa lahat po ng nagsasabi ng negative comments, thank you still for watching my live.”

REACTION OF BELLE MARIANO’S FANS

Marami sa mga tagasuporta ni Belle ang mabilis na dumepensa sa batang aktres.

Inggit lang daw ang detractors ni Belle.

May iba pang fans na ginamit ang video clip ni Vice Ganda mula sa lumang episode ng It’s Showtime para sagutin ang bashers.

Sabi roon ni Vice: “Bash nang bash dun sa artista, pero pinapanood nila yung artista…

“Ayaw niyo pala, galit pala kayo, e, di iwasan niyo makita, iwasan niyo pakinggan.

“Bakit tinututukan niyo? Tanga ka?”