Katakut-takot raw na pambabatikos at pagbabanta sa buhay ang inabot ng Kapuso actor-director na si Xian Lim matapos niyang mahiwalay sa long-time girlfriend na si Kim Chiu.
Ito ang ibinahagi ni Xian sa eksklusibo niyang panayam kay Nelson Canlas sa GMA Integrated News nitong June 6, 2024.
Pinipilit daw ni Xian na huwag nang magsalita o ungkatin pa ang masakit na hiwalayan nila ni Kim, ngunit hindi naman raw tama na manahimik siya at pabayaan na lang ang samu’t saring akusasyong ibinabato sa kanya na wala namang katotohanan.
Hindi sinabi ng aktor kung anu-anong akusasyon ang natanggap niya, ngunit apela niya, hindi niya ito deserved, lalo na’t bukod sa kanya ay nadadamay na rin daw ang kanyang mga mahal sa buhay, lalo ang kanyang pamilya.
Saad ni Xian: “I do not deserve the false accusations, the lies being spread.
“I work really hard. We are all working really hard. I don’t want to be defined by what happened with my breakup or my previous relationship.
“I don’t want to be defined by what people are saying about me—these false headlines, o kung ano man.”
Dagdag pa niya: “Sige, ako na po yung tirahin nila, but not my family.
“Just giving a little context, nadadamay na rin kasi yung nanay ko pati yung lola ko. They’re getting personal messages. I’m getting death threats.
“My mom’s getting death threats. Umaabot na sa ganon.
“That’s the gravity of the situation I’m dealing with now. My family doesn’t deserve all the made-up lies. Ayoko na mandamay pa ng iba.”
XIAN admitS talking about HIS breakup was difficult
Paglilinaw pa ni Xian, hindi siya nagsasalita ngayon para mag-ingay at mapromote ang upcoming film niyang Playtime.
Kung tutuusin, hanggang ngayon daw ay nasasaktan pa rin siya kapag ikinukuwento sa publiko ang kinahantungan ng relasyon nila ni Kim.
“It’s sad, very painful, but life goes on,” paglalarawan niya sa breakup nila Kim.
Naiintindihan naman daw ni Xian ang lungkot at sakit na naramdaman ng kanilang fans nang malaman ng mga itong nagwakas na ang labindalawang taon nilang relasyon.
Ngunit may isa raw tila nakakalimutan ang mga ito, na sila ni Kim ang pinakanasaktan at naapektuhan ng nangyari, kaya hindi niya malaman kung bakit hanggang ngayon ay hindi pa rin matuldukan ang mga naglalabasang espekulasyon sa kanilang paghihiwalay.
Aniya, “Sinasabi nila na nag-iingay si Xian dahil may pelikula—no.
“We really did explain from the bottom of our hearts kung ano talaga ang nangyari.
“Hindi na namin kailangan pa isa-isahin kung sinu-sino ang nagkulang because it’s just like any other relationship.”
XIAN SAYS he and Kim ended on good terms
Hindi man humantong sa happy ending, ikinatutuwa raw ni Xian na nagtapos silang maayos ni Kim.
Kaya naman, hindi raw siya natatakot at kinakabahan kung muli silang magkasalubong at pagsamahin sa isang proyekto.
Ani Xian, “We ended on good terms, of course, merong iyakan…we’re people e.
“We ended on good terms, and in time na mabigyan kami ng pagkakataon na mag-trabaho, why not?”
December 23, 2023, kinumpirma nina Kim at Xian sa publiko ang kanilang breakup.
Photo/s: Courtesy: Instagram. xian lim and kim chiu
Walang binanggit na dahilan ang dalawa, liban sa “mutual decision” daw ang kanilang paghihiwalay.
XIAN’S NEW FOUND LOVE
Dahil ang hiwalayan ng dalawang kilalang artista ay magiging kontrobersiyal, anuman ang circumstances sa palibot nito, nagkakusot na nga.
Nasangkot ang pangalan ng film producer na si Iris Lee, na siyang itinuturong third party daw sa hiwalayan ng KimXi, ang tawag sa loveteam nina Kim at Xian.
Na mariin namang pinabulaanan noon ni Xian sa panayam niya sa Esquire Philippines, kasunod ng pag-amin niyang “dating” ang estado ng relasyon nila ngayon ni Iris.
Tinanong si Xian kung may katotohanan ang naglalabasang espekulasyong may relasyong namamagitan sa kanila ni Iris.
Sagot niya: “Yes, I’m seeing Iris.
“Just to clear everything, to clear all the speculations.
“We are seeing each other and we are very happy.
“These are the things that I want to clarify, number one: that there was a third party [involved in the breakup with Kim].
“There’s no third party. That’s it. That plain and simple.”
Photo/s: Courtesy: Instagram
Mariin ding pinabulaanan ng aktor ang napabalitang sikreto silang ikinasal ni Iris at nagli-live in na sila.
Paglilinaw niya: “Another rumor: when I see my friends—the people who are the last to even care about these things—kino-congratulate na ako.
“They say, ‘Congratulations on the marriage in New York!’ And I’m, like, ‘No, I am not married.’
“And there’s also this one absurd article, or a thing said about me, that I have been living with someone for years na daw.
“The only people I live with is my mom, my lola, my lolo. These are the things na, parang, it’s just so absurd and it’s just… why?!
“Things happen in life that we’re not going to be able to control. And as much as we don’t want it to happen, life happens.
Dagdag pa niya, “Ang busy-busy ni Iris, ang busy-busy ko. She has a lot on her plate, and I have a lot on my plate.
“And, you know, she doesn’t deserve all that flak. We don’t deserve that because all the things na people are saying, there’s no truth to any of it.”
Kim wishes Xian Lim to stop giving any comments
Samantala, sa huling ulat ng PEP.ph (Philippin Entertainment Portal) nitong Biyernes, June 7, tila hindi na nagugustuhan ni Kim ang pagbibigay-komento ni Xian sa kanilang hiwalayan.
Sa eksklusibo niyang panayam kay MJ Felipe ng ABS-CBN News, nagpahaging ang It’s Showtime co-host kay Xian, na itigil na nito ang pagbibigay niya ng pahayag sa kanilang breakup.
Sabi ni Kim, “Entering 2024, sabi ko talaga, I just want a fresh start, new beginning, and I don’t want to dwell sa past.”
Halos anim na buwang hindi nagsalita si Kim tungkol sa hiwalayan nila ni Xian dahil ayaw raw niyang makapanakit pa ng iba.
Sabi ni Kim: “Parang yung post ko nung December, sabi ko, this will be the last time na pag-uusapan ko ito.
“Pero parang ang dami pa rin. Parang hindi naman siya mapag-uusapan kung no one’s lighting the fire.”
May mensahe ring iniwan si Kim kay Xian.
Aniya, “It ended, the journey was beautiful. Ayaw ko nang maging masama yung loob ko.
“Kasi paulit-ulit na lang. Let’s give it a rest and let’s leave respect to each other.”
News
COLEEN GARCIA NAGSALlTA NA SA TUNAY NA NANGYARl KAY BILLY CRAWFORD! (lee)
Matapos ang ilang linggong spekulasyon at usap-usapan sa social media, sa wakas ay nagsalita na si Coleen Garcia upang linawin ang tunay na nangyari sa kanyang asawa na si Billy Crawford. Sa isang eksklusibong panayam, nagbahagi si Coleen ng buong…
Coleen Garcia NAGSALITA NA sa TUNAY na LAGAY ni Billy Crawford PUMANAW NA? (lee)
Sa kabila ng mga usap-usapan at maling impormasyon na naglipana sa social media, nagsalita na si Coleen Garcia upang linawin ang tunay na kalagayan ng kanyang asawa, ang sikat na singer-actor na si Billy Crawford. Kamakailan, isang serye ng mga…
Vice Ganda NAAAWA sa KALAGAYAN ni Billy Crawford NGAYON KRITIKAL NABA si Billy? (lee)
Usap-usapan ngayon sa social media ang tungkol sa kalagayan ng singer-actor na si Billy Crawford matapos kumalat ang balitang siya umano’y nasa kritikal na kondisyon. Sa kabila ng mga haka-haka, nilinaw ni Vice Ganda, malapit na kaibigan ni Billy, ang…
KARYLLE NAPAIYAK NANG MAKITA SA HULING SANDALI SI BILLY CRAWFORD! (lee)
Isang emosyonal na tagpo ang naganap kamakailan sa It’s Showtime nang biglang nagpakita si Billy Crawford sa studio, na nagdulot ng sorpresa at luha sa kanyang dating co-host na si Karylle. Sa hindi inaasahang pagkakataon, bumisita si Billy sa naturang programa bilang…
VHONG NAVARRO iSiNiWALAT ANG TUNAY NA NANGYARi KAY BILLY CRAWFORD! (lee)
Matapos kumalat ang mga espekulasyon tungkol sa kalagayan ni Billy Crawford, nagsalita na ang kanyang matalik na kaibigan at kasama sa industriya na si Vhong Navarro upang ilahad ang katotohanan. Sa isang panayam, ipinaliwanag ni Vhong ang tunay na nangyari…
Billy Crawford NAGSALITA NA sa BALITANG PUMANAW NA SIYA, APEKTADO NA si Coleen! (lee)
Hindi na nakapagtimpi ang singer-aktor na si Billy Crawford matapos kumalat ang balitang pumanaw na umano siya. Sa isang eksklusibong panayam, binasag ni Billy ang katahimikan at nilinaw ang kumakalat na fake news tungkol sa kanyang pagkamatay. Ayon sa kanya,…
End of content
No more pages to load
