Pinky Amador thinks pakikisama is more important than talent to stay longer in showbiz. She explains, “Sa pakikisama. I think, talent is a dime a dozen. It’s pakikisama. At saka siyempre, alam mo naman, laking-teatro ako. So, nandoon talaga yung ensemble feeling. You’re part of something whole. You’re only a small part of something bigger to tell a story. So, yun ang mindset ko.”
PHOTO/S: Jerry Olea

Mahigit dalawang taon umere ang Kapuso afternoon series na Abot-Kamay Na Pangarap, mula Setyembre 2022 hanggang Oktubre 2024.

Nagka-sepanx (separation anxiety) ba si Pinky Amador sa ginampanan niyang karakter na si Moira?

“Yung karakter, hindi!” natatawang tugon ni Pinky sa mediacon ng pelikulang Huwag Mo ‘Kong Iwan noong Nobyembre 12, 2024, Martes, sa Manila Hotel.

“Pero yung mga kasamahan ko, oo.

“Kasi sobrang hirap ang pinagawa sa akin dun, although talagang nagpapasalamat naman ako at kahit papaano, nagampanan ko po yung challenge na yun.

“Pero ayun, actually nag-get together na po kami nung Sabado, although hindi kami kumpleto.

“Talagang ano, e, talagang solid na po yung aming pagsasamahan. So, kahit anong mangyari, we really consider ourselves family.

“We’re thinking of going on holiday together. We look out for each other.

“We give each other advice tungkol sa siyempre mahirap ding i-navigate yung industriya, di ba?

“Lalo na ngayon, the industry is changing with streaming and everything like that.

“Dun talaga nararamdaman namin na we’re looking out for each other. Yun ang maganda.”

Pinky Amador as Moira in Abot-Kamay Na Pangarap 
Photo/s: Screengrab from Abot Kamay Na Pangarap

OK pa rin ba sa kanya na gumawa ng TV drama series na nae-extend nang nae-extend nang nae-extend?

“Actually, dapat siyang mae-extend. And then for some reason, it was cut,” pagtatapat ni Pinky.

“Pero you know, there’s a time for everything. Oras din naman para mag-grow naman kami sa ibang ano.”

Nawala siya noon nang isang buwan sa Abot-Kamay Na Pangarap para gawin ang ibang project.

“Yes! Nag-play pa ako. Isipin mo! Isipin mo, pinayagan nila akong umalis at bumalik, tapos binuhay pa ako?!” bulalas ng beteranang aktres.

“Di ba, laking pasasalamat yun?! Hindi lahat, binibigyan ng ganun. Kaya talagang nung mediacon namin, ako yung unang umiyak?

“Kasi talagang thank you for the opportunity. Kasi hindi lahat ng tao, nabibigyan ng ganun.”

PINKY AMADOR ON WORKING WITH JOEL LAMANGAN

Maraming beses nang nakatrabaho ni Pinky si Direk Joel Lamangan — sa pelikula, telebisyon, at teatro.

Hindi na siya nanibago sa sistema ni Direk Joel sa shooting ng Huwag Mo ‘Kong Iwan, kung saan bida sina Rhian Ramos, Tom Rodriguez, at JC de Vera.

“Ganun pa rin si Direk Joel although nag-mellow down nang konti. Pero huwag na huwag kang darating na late at matatalakan ka talaga,” sambit ni Pinky.

Nakatikim si Pinky ng talak ni Direk Joel sa shooting ng pelikulang The Sarah Balabagan Story (1997) kung saan bida si Vina Morales.

Silang dalawa ni Cherry Pie Picache ang natalakan ni Direk Joel. Hindi sila late noon.

Pagbabalik-tanaw ni Pinky, “Nandun kami sa kulungan, mga preso kami. Meron kaming isang kasama na baguhan lang, OK.

“First movie niya. Close-up na niya, hindi niya alam kung ano ang gagawin.

“So, kami ni Cherry Pie, parang, ‘Ahh halika, tulungan natin.’ ‘Iha, ganito, ha? Pag ganito, ganyan…’

“Aba, nakita kami ni Direk Joel, ‘Hoy! Kayo ba ang direktor dito?! Anong ginagawa niyo diyan?!’

“Kaya hanggang ngayon, hindi namin makalimutan ni Cherry Pie. Kami ang natalakan, tumutulong lang naman.

“Pero tama din naman. It’s not our place.

“But we just felt sorry because you know, on the movie set especially kay Joel, talagang ano, he expects eveybody to be focused and to perform in record time.

“So, yung record time na yun, ano, natataranta na ang artista. Hindi niya alam ang gagawin talaga. As in, ‘Saan ako titingin? Ano nga, sino nga ang kausap ko?’

“Ganun ka-basic. So, yun. OK lang because I don’t take it personally from him. I know he’s interested in the project and he’s not interested in ahh putting me down.”

TALENTO O PAKIKISAMA?

Nakatrabaho ni Cherry Pie recently si Direk Joel sa pelikulang Fatherland, na kagaya ng Huwag Mo ‘Kong Iwan ay prinodyus ng BenTria Productions.

Hindi dinadamdam ni Cherry Pie kung tumatalak si Direk Joel.

Napatango si Pinky, “Oo, at saka I guess, you know what, when you get older, you don’t really give two F’s anymore too much about everything.

“Kasi, may mga mas importanteng bagay na dapat pagtuunan ng pansin, di ba?

“Like your health, your mental wellness, your family, your me time. What makes you happy, how you can help others. Yung mga yon.”

Para tumagal sa local entertainment industry, alin ba ang mas importante — talento o pakikisama?

“Sa pakikisama. I think, talent is a dime a dozen. It’s pakikisama,” pananalig ni Pinky.

“At saka siyempre, alam mo naman, laking-teatro ako. So, nandoon talaga yung ensemble feeling.

“You’re part of something whole. You’re only a small part of something bigger to tell a story. So, yun ang mindset ko.

“At saka kahit naman nung unang-unang mediacon pa lang ng Abot-Kamay, ang sabi ko talaga, I am willing to do anything and everything it takes to give justice to the role.

“Hindi ko naman alam, ganun kalaking justice pala yun. Ha! Ha! Ha! Hindi ko talaga alam, promise!

“Nung umpisa kasi, hindi namin alam na A, magtatagal, and B, magiging ganun kasama si Moira.”

IS PINKY MATARAY EVEN OFF SCREEN?

Antaray-taray ni Moira. Nuknukan ng kamalditahan. Sa totoong buhay ba, may mga tinatarayan siya?

Natatawang sagot ni Pinky, “Naku, panoorin nila ang mga TikTok, makikita nila na I am the complete opposite, di ba?

“Parang Gladys Reyes lang ang peg. Kung gaano kataray sa screen, ganoon kabugoy offscreen.”

May mga nakakasama o nakakatrabaho ba siya na mataray?

“Meron, pero hinahayaan ko na lang.”

Wah na siya give ng two F’s?!

“Yeah, because what for? Tsaka alam mo naman, basta’t ano, pag may nasabi ka, ikaw pa yung masama,” pagmamatwid ni Pinky.

“At saka di ba, may kasabihan din, ‘If you don’t have anything nice to say, e, di huwag na lang.’ Ikapapangit ko pa!

“Ning, senior na ako! Kailangan gumanda ako!”

Ang red-carpet premiere ng Huwag Mo ‘Kong Iwan ay sa Nobyembre 21, Huwebes ng gabi, sa Cinema 11 ng Gateway Mall, Cubao, Quezon City.

May mall tour ang Huwag Mo ‘Kong Iwan sa Nobyembre 24, Linggo ng 2:00 P.M., sa SM Manila, at 4:00 P.M. sa SM Bacoor.

Palabas ang Huwag Mo ‘Kong Iwan umpisa Nobyembre 27, Miyerkules, sa mga sinehan nationwide.