Claudine Barretto: “Been needing to go to the hospital for weeks na. My BP has been too low and to be admitted was necessary. It’s been scary these past couple of months but nothing prepared me for what was about to happen.”
PHOTO/S: Courtesy: Instagram

Na-admit si Claudine Barretto sa ospital dahil sa mababang blood pressure niya.

Ayon sa Instagram post ng aktres noong November 16, 2024, kailangan siyang ma-confine dahil dito.

Hindi rin daw siya handa sa anumang maaaring mangyari sa kanya.

Ayon sa post (published as is), “been needing to go to the hospital for weeks na.My BP has been too low and to be admitted was necessary.

“it’s been scary these past couple of months but nothing prepared me for what was about to happen.

“while giving Noah a bath even with high fever 2nurses gave ne a bath after Noah.”

Gayunpaman, nanatili umano ang kanyang “kaartehan” kahit nasa ospital.

Lahad ni Claudine: “i just Jerked & my speech was slurred.i was disoriented while they carried me back to my bed.

“i was trying my best to tell them i need my hair to be blowdryed (yes kaartehan po) in a minute so many doctors and nurses kept telling everyone BAT PATIENT.

“not knowing the meaning. they brought me to the OR then MRI.

“injected me with something so painful i didn’t even know how i got back to my room.”

Nagpasalamat naman siya sa mga anak na si Santino at Sabina sa pag-alaga sa kanya.

Dagdag ng aktres, “also shout out to my Son Saint.ayaw lang mag pa video uli pero he like Ate Sab took great care of me. God thank u for my children (praying hands emoji) im so blessed”

Sa isa pa niyang post, pinasalamatan ni Claudine ang lahat ng kanyang mga doktor at nars.

Sa comments section, ipinarating ng Star for All Seasons na si Vilma Santos ang kanyang panalangin para sa agarang paggaling ni Claudine.

Ayon kay Vilma, “Claude my baby … praying for you !!! Plsssss BE WELL b i love you”

Tugon ni Claudine, “@rosavilmasantosrecto Ate idol!!!! (heart emojis) l call u later Ate.im better na Ate.lalo na later once i hear you’re voice.i miss u & i luv u.Ate im scared”

CLAUDINE BARRETTO VISITED BY “BABY BROTHER” BOY2 QUIZON and KATRINA PAULA

Ilang buwan nang masama ang pakiramdam ni Claudine, ayon sa kanyang mga post sa Instagram.

May mga araw raw umiiyak lamang daw siya at walang ganang kumain.

Kaya naman masaya raw siya kapag may mga biglaang bumisitang kaibigan sa bahay niya upang kamustahin siya.

Noong October 17, bumisita sa kanya sa bahay ang “baby brother” niyang si Boy2 Quizon,

“Baby brother” kung ituring ni Claudine si Boy2 na nakasama niya noong bata pa ito sa Home Along Da Riles ng ABS-CBN mula 1992 hanggang 2003.

Nitong nakaraang November 5 naman, sinabi ni Claudine na nagulat siya sa biglaang pagbisita ng kaibigang si Katrina Paula sa kanyang bahay.

Hindi raw kasi nagsabi ang itinuturing niyang “great friend and sister.”

At naging magaan daw ang araw niya dahil sa bonding nila.