Director Mark Reyes confirms that he is no longer at the helm of Encantadia Chronicles: Sang’gre, which stars (right photo; standing, from left) Kelvin Miranda, Angel Guardian, Bianca Umali, and Faith Da Silva.
PHOTO/S: @direkmark on Instagram

Kinumpirma ni Mark Reyes ang pag-alis niya bilang direktor ng upcoming Kapuso fantasy-drama series na Encantadia Chronicles: Sang’gre.

Sa pamamagitan ng official statement na inilathala sa GMA online site nitong Lunes ng gabi, Nobyembre 4, 2024, sinabi ni Reyes na nag-resign siya mula sa proyekto upang pagtuunan ng pansin ang iba pa niyang mga proyekto sa 2025.

Hindi direktang sinabi ni Reyes ang eksaktong dahilan kung bakit hindi na siya ang magiging direktor ng Sang’gre, ngunit ipinahiwatig niyang kumplikado ang sitwasyon at mas makabubuti umano sa lahat kung ipagpapatuloy ang produkisyon nang wala siya bilang paggalang na rin sa legasiya ng Encantadia.

Kinumpirma rin ni Reyes ang ulat ng PEP.ph (Philippine Entertainment Portal) na ang papalit sa kanya bilang direktor ng Sang’gre ay sina Rico Gutierrez at Enzo Williams.

Ipinagtaka ng marami ang pagkawala ni Reyes sa Sang’gre dahil alam ng publiko kung gaano kalapit sa kanya ang anumang proyekto na may kinalaman sa Encantadia.

Si Reyes ang direktor ng original Encantadia na umere sa GMA-7 noong 2005. Tampok dito sina Sunshine Dizon, Iza Calzado, Karylle, Diana Zubiri, at Dingdong Dantes.

Encantadia 2005 cast: (from left) Diana Zubiri, Sunshine Dizon, Iza Calzado, and Karylle 
Photo/s: GMA Network

Siya rin ang nagdirek ng remake ng Encantadia na ipinalabas noong 2016. Bida naman dito sina Glaiza de Castro, Kylie Padilla, Gabbi Garcia, Sanya Lopez, at Ruru Madrid.

Encantadia 2016 cast: (from left) Sanya Lopez, Glaiza de Castro, Kylie Padilla, and Gabbi Garcia 
Photo/s: Jocelyn Dimaculangan

Taong 2023 nang inanunsiyo ang spin-off ng Encantadia, ang Encantadia Chronicles: Sang’gre. Napili bilang gumanap bilang mga bagong sang’gre sina Bianca Umali, Angel Guardia, Faith Da Silva, at Kelvin Miranda.

Nagsimula na ang taping nito noon pang isang taon nguit hindi pa ito natatapos.

Sang’gre cast: (from left) Faith Da Siva, Angel Guardian, Kelvin Miranda, and Bianca Umali 
Photo/s: GMA News Facebook

MARK REYES AND GMA STATEMENT

Narito ang kabuuang statement ni Mark Reyes kaugnay ng pagre-resign niya sa Sang’gre:

“I am confirming that I have resigned from my duties as director of Sang’gre. At this time, I will be focusing on my other work commitments set for 2025 which will need my utmost attention.

“Like all situations of this kind, it’s a complicated matter and I believe that it is best for everyone involved to honor the Encantadia legacy by moving forward with the production.

“I wish the cast, the staff, Direk Enzo and Direk Rico the best of luck with the remaining work for Sang’gre.

“Avisala Eshma!”

Naglabas din ng official statement ang GMA Entertainment kaugnay ng development na ito.

Nakasaad dito: “GMA Entertainment’s Sang’gre will have new directors Rico Gutierrez and Enzo Williams.

“Direk Mark Reyes will start on new major projects for 2025 and will bequeath direction of the next Encantadia installment.

“Sang’gre is slated to air on GMA Prime in 2025.”