Singer-actress Rita Daniela files acts of lasciviousness complaint against former Widows’ War co-star Archie Alemania in Bacoor City Prosecutor’s Office.
PHOTO/S: Instagram
Trigger Warning: Acts of lasciviousness
GORGY RULA
Nagsampa ng reklamong acts of lasciviousness ang Kapuso singer-actress na si Rita Daniela laban sa aktor na si Archie Alemania.
Pormal na isinumite ni Rita ang kanyang reklamo sa Office of the Prosecutor ng Bacoor City ngayong Miyerkules ng umaga, October 30, 2024.
Sa Bacoor nakatira si Rita kaya doon siya nagsampa ng reklamo.
Rita Daniela files her complaint affidavit at the Bacoor Prosecutor’s Office on October 30, 2024.
Photo/s: GMA Network
RITA DANIELA’S COMPLAINT AFFIDAVIT
Ayon sa complaint affidavit na isinumite ni Rita, nangyari ang pambabastos umano sa kanya ni Archie sa thanksgiving party na ginanap sa tahanan ni Bea Alonzo sa Quezon City.
Hindi na sana siya dadalo dahil inihatid niya ang kanyang ina sa ospital, pero hindi lang daw siya makatanggi kay Bea.
Past 12:00 midnight na raw ng September 9, Lunes, siya nakarating kina Bea dahil galing pa siya ng taping ng All-Out Sundays.
Ayon kay Rita, halatang lasing na si Archie pagdating niya sa thanksgiving party,
Nag-comment daw ang aktor ng “Naku, Rita, huwag ka lumapit sa akin, napaka-F*CK*BLE mo tonight ah!”
Hindi na raw siya naging kumportable sa komentong iyon ni Archie.
Pero nung nag-duet sila ni Royce Cabrera, matapos mahilingan ni Bea na kumanta sila, sumigaw daw si Archie ng “Brad tirahin mo na yan! Tang-ina Royce, tirahin mo na yan!”
Hindi na lang daw ito pinansin ni Rita, dahil sa tingin niya ay dala lang ito ng kalasingan ng aktor. Pero sinita na raw ni Bea si Archie nung oras na yun.
Archie Alemania (right) with Widows’ War co-star Lito Pimentel during the thanksgiving party at Bea Alonzo’s house.
Photo/s: @beaalonzo on Instagram
THE RIDE GOING TO RITA’S HOME
Mas matindi pa raw ang ginawa ni Archie kay Rita nung hinatid siya nito sa bahay nila sa Bacoor.
Base sa affidavit na isinumite ni Rita, bandang 2:30 ng madaling-araw ng September 9, nag-book na raw ang singer-actress ng Grab car pauwi.
Sinamahan pa raw siya ni Ms. Redgynn Alba, ang senior program manager ng Widows’ War, para hintayin ang Grab car.
Lahad ni Rita sa kanyang affidavit: “Suddenly, a white SUV stopped in front of us and when the window rolled down I was surprised to see the Respondent (Archie Alemania) inside it, saying ‘Tara na, sumakay ka na, ihatid na kita.
“That I initially refused his offer since the Grab ride was already on its way but Respondent insisted by saying, ‘Ano ka ba sobrang late na. Ma-rape pa ng Grab driver. Icancel mo na yan!’
“Thinking that he was already sober and that he went back to his being an elder brother who could safely take me home. I agreed to ride with him and cancelled my Grab ride.”
NOEL FERRER
Nang nasa sasakyan na raw sila, at habang binabaybay nila ang Cavitex, nagsimula na raw siyang hawakan ni Archie sa leeg at balikat. Pilit daw niya itong iniiwasan.
Pero ang pinakamalala raw ay nung nakarating na sila sa bahay ni Rita.
Bago bumaba ang singer-actress sa SUV ni Archie ay humingi raw ng kiss sa kanya ang aktor. Pero pinilit daw siyang halikan nito.
Lahad ni Rita sa kanyang sworn affidavit: “However, this did not deter the Respondent (Archie Alemania), instead he forcibly got hold of my head and locked it with his grip and gave me a torrid kiss on the lips with his tongue out trying to put it inside my mouth.
“Feeling sexually violated, I pushed the Respondent with all my might while shouting at him to stop. I struggled several times but he did not stop on brushing his lips on mine against my will.”
Bumulong pa raw si Archie sa kanya ng “Pa-booking naman sige na.”
Hindi pa raw umalis si Archie sa tapat ng bahay niya, kaya nag-text na raw siya sa aktor na umalis na dahil nakakaabala na ito sa mga kapitbahay, gawa ng tumatahol na ang mga aso.
Kinabukasan ng hapon, September 10, ay nag-text daw si Archie sa kanya upang mag-sorry sa kanyang inasal dahil lasing na raw ito.
Ini-report daw ni Rita sa GMA management ang insidente, at ni-request na tanggalin si Archie sa Widows’ War dahil sa trauma na inabot nito sa ginawa umano sa kanya ng aktor.
Naka-attach din sa affidavit ang missed calls ni Archie sa kanya at ang text message nitong nag-sorry sa kanyang ginawa.
JERRY OLEA
Nagpadala ng mensahe ang PEP Troika sa executive producer ng Widows’ War para hingan ng pahayag kaugnay dito. Pero wala pang natatanggap na sagot ang PEP Troika, at this writing.
Nagpadala na rin ang PEP Troika ng mensahe kay Archie Alemania para makahingi ng pahayag, pero hindi pa siya sumasagot.
