“HULI PERO HINDI KULONG”: Karen Davila accidentally walks past co-anchor Noli de Castro’s back when he was delivering his spiels in TV Patrol’s live broadcast yesterday, October 28, 2024. 
PHOTO/S: Courtesy: TV Patrol on YouTube

Kinaaliwan ng maraming netizens ang hindi sinasadyang pagdaan ni Karen Davila sa likod ni Noli de Castro habang dine-deliver ng huli ang unang balita nila sa TV Patrol.

Sa live edition ng primetime newscast ng ABS-CBN kagabi, October 28, 2024, kitang-kita sa camera ang pagdaan ni Karen sa likod habang nagbabalita si Noli.

Nang makita ni Karen ang sarili sa monitor ay nagulat ito kaya kaagad siyang bumalik.

Pagkatapos ng newscast, nag-post si Noli ng snippet ng nasabing blooper ni Karen.

Caption ni Noli sa kanyang post: “May biglang nagpakitang babae sa likod ni Kabayan, maagang kababalaghan sa studio ng TV Patrol.

“#TVP #KBBLGHN #KBYN #viral #video”

Sa comments section, kaagad nag-react si Karen sa video.

Aniya, “OMGEEEEEEEE (laughing emojis)”

Komento naman ng newscaster na si Zen Hernandez, “HAHAHAHAHAHA omg, I’m glad it’s @iamkarendavila! Kala ko kung ano na”

Tawang-tawa rin dito ang ilang followers ni Karen.

KAREN DAVILA: “SORRY GUYS”

Sa pamamagitan ng X (Twitter) ngayong Martes, October 29, 2024, nagbigay ng kanyang reaksiyon si Karen.

Tawang-tawa rin siya sa kanyang nagawang kamalian.

Saad niya, “Good Morning may ‘white lady’ na naglakad sorry guys! Have a good one today!”

Tawang-tawa rin ang kanyang followers:

Hindi ito ang unang pagkakataong naging usap-usapan ng netizens si Karen.

Noong October 11, 2022, nag-trending si Karen sa social media matapos tumama ang isang dahong lumipad sa kanyang mukha.

Nagkataon kasing nag-broadcast sila ng TV Patrol sa labas ng studio.

Isang araw bago ang October 11, may bagyong nanalasa sa Metro Manila, ang Maring.

Pero, kalmado lamang si Karen.