CEBU, Philippines —  Giangkon ni Cebuano superstar JuneMar Fajardo nga wala siya sa kondisyon atol sa duwa sa Gilas Pilipinas ug Qatar niadtong Biyernes diin igo lang siya nga gihatagan og tres minutos nga playing time.

Mismo si Gilas coach Yeng Guiao ang mipapahuway ni Fajardo human ang 6-foot-11 center mireklamo nga nagluya tungod sa hilanat.

“JuneMar Fajardo tried to play the game but he was sick,” matud pa ni Guiao sa Spin.ph. “That’s the reason why I didn’t play him longer minutes.”

Hinuon, ang five-time PBA MVP miingon nga mopugos siya og duwa ilabi na nga krusyal nga daog ang ilang gitinguha batok sa Kazakhstan.

Si Fajardo gusto nga mamawi human sa kapildihan sa Gilas batok sa mga Kazakhs niadtong Nobiyembre. Sa maong duwa, si Fajardo igo lang nakahimo og 14 puntos, apan misaad nga   himuon niya ang tanan aron  modaog  ang Gilas.