Ivana Alawi Umalma Sa Hula Na Magkakaroon Siya Ng Kanser

Tinutulan ng actress-vlogger na si Ivana Alawi ang kumalat na hula tungkol sa isang vlogger na namamatay dahil sa isang malubhang sakit. Ang hula na ito ay nagmula kay Rudy Baldwin, isang kilalang psychic, at naging usap-usapan sa social media, lalo na noong Enero 2025. Sa isang panayam kay Rudy Baldwin na ipinalabas sa “Rated Korina,” isang magazine show na hosted ni Korina Sanchez-Roxas, sinabi niya na may isang batang aktres na magagahasa at may isang vlogger na mamamatay ngayong taon dahil sa kanser.`

Ayon kay Rudy, ang batang aktres na tinutukoy ay kamakailan lamang ay naugnay sa isyu ng “cheating” at nagsisimula ang pangalan nito sa letrang “M.” Sa kabilang banda, sinabi naman niya na ang vlogger ay isang aktres din na may magandang katawan at sexy. Inilarawan pa siya ni Rudy bilang may kapatid na babae at isang lalaki, at may lahi pang ibang lahi ang ama nito. Sinabi pa ni Rudy na ang vlogger na ito ay nagkaroon ng isyu sa kalusugan ngunit nakalampas naman. Subalit, ang pinakamalaking bahagi ng hula ay ang biglaang pagkamatay ng vlogger dahil sa kanser.

Bagama’t hindi tinukoy ang pangalan ng vlogger sa kanyang prediksyon, nagbigay daan ito sa mga spekulasyon ng mga netizens na maaaring ang tinutukoy ni Rudy ay si Ivana Alawi. Ayon sa mga komentaryo sa social media, ang mga deskripsyon na ibinigay ni Rudy ay tumutugma sa mga detalye ng buhay ni Ivana.

Sa isang mediacon na dinaluhan ni Ivana, diretsahang sinagot ni Ivana ang mga isyung lumabas hinggil sa kanyang kalusugan. Pinayuhan niya ang mga tao na huwag mag-alala dahil wala siyang seryosong karamdaman. Ayon kay Ivana, nagkaroon siya ng trangkaso noong 2024 dahil sa sobrang dami ng kanyang trabaho, ngunit iyon lamang ang naging health concern niya.

Aminado si Ivana na dahil sa kanyang mga inaaasikaso at sunod-sunod na trabaho, naging sanhi ng stress at pagkapagod ang kanyang katawan na nagresulta sa trangkaso. Ngunit nilinaw niya na wala siyang kanser at walang katotohanan ang mga kumakalat na balita tungkol dito.

“Walang katotohanan na magka-cancer ako, hindi ‘yon true. Huwag kayong mag-alala, wala kami no’n sa lahi,” ani Ivana.

Nang tanungin si Ivana kung naapektohan siya ng kumakalat na hula, inamin niyang ang kanyang ina ay nag-alala dahil sa mga balita, ngunit pinayuhan niya ito na kalmahin ang sarili.

“Oo, ‘yong mama ko nga nag-alala ro’n, tapos inaano niya, sabi ko ‘Mama kalma, wala tayo niyan, walang nangyayari sa atin, and wala namang makakapag-predict kung kailan ka mawawala, and that is not something you should be scared of kasi lahat naman tayo darating do’n. Ang nakakaalam lang ay ang Diyos,” paliwanag pa niya.

Sa kabila ng mga negatibong komento at spekulasyon, pinili ni Ivana na maging kalmado at huwag magpa-apekto sa mga maling impormasyon na kumakalat. Tinutok niya ang kanyang atensyon sa pagiging positibo at sa pagpapalaganap ng tamang impormasyon.

Hanggang ngayon, wala pang naging pahayag o reaksyon si Rudy Baldwin hinggil sa mga pag-counter ni Ivana sa kanyang hula. Ang mga prediksyon ni Rudy ay patuloy na pinag-uusapan sa social media, ngunit malinaw na si Ivana ay hindi nagpapadala sa mga ganitong isyu at patuloy na nagpapakita ng tapang at positibong pananaw sa buhay