Jhong Hilario: “Ang nagawa sa akin ng Streetboys na nalaman ko lang ngayon, yung purpose ko sa buhay, yung purpose ko sa mundo na makapagpasaya ng mga tao.”
PHOTO/S: @jhonghilario on Instagram

Lubos at taus-puso ang pasasalamat ni Jhong Hilario sa award-winning director na si Chito Roño dahil ito ang naging instrumento kaya natupad ang mga pangarap niya sa buhay.

Si Chito ang mentor at manager ng The Streetboys.

Siya ang nagtiwala sa kakayahan ni Jhong, kahit hindi ito masyadong marunong sumayaw noon.

Streetboys with Direk Chito Rono 
Photo/s: Jhong Hilario Instagram

“Ang nagawa sa akin ng Streetboys na nalaman ko lang ngayon, yung purpose ko sa buhay, yung purpose ko sa mundo na makapagpasaya ng mga tao,” saad ni Jhong sa Cabinet Files.

“Thankful ako kay Direk Chito na ginamit ng Panginoon para ma-discover ako. Kasi noong nagsimula ako sa Streetboys, zero ako pagdating sa sayaw.

“Marunong lang ako mag-tumbling, nag-tumbling lang ako, nagustuhan ni Direk Chito. Yung dance, pinag-aralan ko na lang.

“Pagdating sa acting, with the help of Direk Chito, natuto akong umarte.”

Photo/s: It’s Showtime Facebook

JHONG HILARIO’S FORAY INTO ACTING

Second choice lang si Jhong para sa karakter ni Luis sa 1997 movie na Sa Pusod ng Dagat dahil ang kapwa niya Streetboys member na si Spencer Reyes ang gusto ng direktor at National Artist na si Marilou Diaz-Abaya.

Si Chito ang nagkuwento na siya ang nagrekomenda kay Jhong kay Marilou para gampanan ang papel ni Luis sa pelikulang pinagbidahan ni Jomari Yllana.

Pagbabalik-tanaw ni Chito, “Sa Istokwa [1996] pa lang, nagustuhan ko na si Jhong bilang aktor.

“In fact, sa sumunod na pelikula, ini-recommend ko kay Marilou Diaz-Abaya si Jhong, Sa Pusod ng Dagat.

“Gusto niya [Marilou], si Spencer Reyes, sabi ko, ‘I-try mo si Jhong.’ Dapat kay Spencer yon, ibinigay ko si Jhong.”

Pinatotohanan ito ni Jhong.

Kuwento ng It’s Showtime co-host, “Si Spencer kasi may braces, ayaw niyang ipatanggal dahil bago pa lang kaya tinanggihan niya. Humingi ng isang artista kay Direk Chito, ako yung ipinadala.”

Pagkatapos ng Sa Pusod ng Dagat ay naging isa sa mga paboritong aktor ni Marilou si Jhong kaya binigyan siya ng mga importanteng papel sa Jose Rizal, Muro-Ami, at Bagong Buwan.

JHONG THANKS VHONG FOR IT’S SHOWTIME GIG

Pinasalamatan naman ni Jhong ang kamiyembro niya sa Streetboys na si Vhong Navarro dahil ito ang nagsilbing instrumento kaya naging co-host siya ng noontime show na It’s Showtime.

“Pagdating naman sa hosting, with the help of Vhong, dahil dati judge lang ako.

“Kinuha ako ni Vhong, sabi niya, ‘Baka puwede kang mag-judge sa Showtime?’

“Pumunta ako, hindi ko akalain na magiging host pala ako ng Showtime pagdating ng panahon,” kuwento ni Jhong.

Dagdag niya, “And then, yung pagiging public servant [Makati City councilor] ko naman, sa sampung magkakapatid, ako pala yung papalit sa tatay kong konsehal ng Makati City.

“Na-realize ko na ngayon ang purpose ng Panginoon para sa akin, mag-entertain, magpasaya ng mga tao, at tumulong. So, sobrang pasasalamat ko dahil isa ako sa mga napili.”

JHONG HILARIO ON DAUGHTER SARINA

Natutuwa naman si Jhong dahil isa ring entertainer ang kanyang anak na si Sarina na kinagigiliwan nang husto ng publiko.

Jhong Hilario with wife Maia Leviste and daughter Sarina 
Photo/s: Screengrab from Facebook | Jhong Hilario

“Nagkaroon pa ng bonus, pati pala yung anak ko, magiging entertainer din pala.

“Si Sarina, walang idea tungkol sa Streetboys, pero nakikita niya na kasama ko sila na nagsasayaw. E, yung bata naman, mahilig talaga sa music so na-appreciate niya.

“Pinapaliwanagan ko siya na ‘this is my dance group before,’ so masaya siya. Sobrang saya ni Sarina kapag nakikita niya na sumasayaw kami.

“Kilalang-kilala ni Sarina ang Streetboys dahil palagi kaming nagkakaroon ng reunion dinner sa bahay ni Direk. Sumasama yung mga bata,” kuwento ni Jhong.

Itatanghal ang reunion dance concert ng Streetboys, SB90 The Streetboys Reunion, sa New Frontier Theater, Araneta City, Cu