True ba, pagbabalik ni Kris Aquino sa TV hindi muna matutuloy?

Kris Aquino itinatago ang 'worries, struggles at sufferings'

Kris Aquino, Joshua at Bimby

MARAMI ang nagtatanong kung ano na ang mga latest ganap ngayon sa buhay ng Queen of All Media na si Kris Aquino.

Pagkatapos kasi niyang ibalita last year na magbabalik na siya sa telebisyon at gagawa uli ng show sa ABS-CBN ay wala nang narinig uli mula sa kanya ang madlang pipol.

Kahit nitong nagdaang Pasko at Bagong Taon ay hindi nagparamdam ang TV host-actress sa social media kaya naman hindi maiaalis na ma-miss uli siya ng kanyang mga loyal supporters.

Ayon sa isang source na nakausap namin, mukhang imposible pa raw na masimulan ni Kris ang nakatakda sana niyang gawing show sa Kapamilya Network dahil sa estado ngayon ng kanyang kalusugan.


Samantala, nag-share naman uli sa Facebook ang confidante ng aktres na si Kuya Dindo Balares tungkol sa kalagayan ng nanay nina Joshua at Bimby.

Kalakip nito ang throwback photo ni Kris na kuha raw niya noong 2019.

“Natatambakan ako ng inbox messages ng loyal followers na nakaka-miss kay Kris Aquino at ng kahit na konting updates tungkol sa kanya,” simulang pagbabahagi ng dating tabloid entertainment editor.

Pagpapatuloy ni Kuya Dindo, “Marami pa rin kaming mga pinag-uusapan, pero aalamin ko muna kung ano ang puwedeng i-share sa publiko.

“May laging bilin si Krisy, ayaw niyang nakakadagdag pa ng mga alalahanin sa ibang tao. Kaya kung makakabigat din lang sa iba ang ipo-post ko, huwag na.

“Ito rin kung minsan ang sitwasyon ko, kasi pati sa akin itinatago niya kung minsan ang worries, struggles, at sufferings niya.

“‘Kuya Dindo I didn’t want you to be sad,’ kaya ‘di agad niya sinasabi.

“Kung minsan gusto kong biruin, na, by nature sad person naman talaga ako, inborn lungkut-lungkutan ang peg, gano’n. Nagagamot ang sadness ko kung may maitsitsismis ako, hahaha!

“Biruin ko na nga, para kung mag-react, may maitsismis na uli ako!

“Kuha ko sa kanya (ang litrato) noong 2019. Nadatnan kong umiinom ng milk (may konting kape), at malalim ang iniisip,” ang buong post ni Kuya Dindo.