GORGY RULA
Hindi rin nakaligtas si Ian Veneracion sa “that was so hot” issue ng MaThon loveteam nina Maris Racal at Anthony Jennings.
Dumalo si Ian sa launching ng bagong series niyang Drug War: Conspiracy of Silence ng Rein Entertainment na ginanap sa Asia TV Forum sa Singapore ngayong Huwebes, December 5, 2024.
Pagkatapos ng event, nakorner namin ang aktor para mapag-usapan ang kakaibang seryeng ito na tumatalakay sa EJK noong panahon ng Duterte administration.
Photo/s: Gorgy Rula
Pero naisingit pa rin ang isyu ng MaThon dahil sa kasama ni Ian sina Maris at Anthony sa Kapamilya action series na Incognito, na nakatakdang mag-streaming sa Netflix umpisa Enero 17, 2025.
Hiningan siya ng reaksyon sa isyu nina Anthony at Maris.
“Basta ako nag-e-enjoy ako katrabaho sila, and what they do in the privacy of their bedroom is none of my business,” napangiting pakli ni Ian.
Ang ganitong isyu ay bahagi na at pinagdadaaan naman daw ng ibang artista.
“Well, with fame comes the possibility always of shame. I mean, that’s the two shades of the same thing. And wala, e, its part of it, I guess,” sabi pa ni Ian.
Magaling daw na artista sina Anthony at Maris, at napaka-professional nilang katrabaho. Yun ang mahalaga sa kanya.
Labas daw siya sa personal na buhay ng mga co-actors niya.
IAN VENERACION ON DRUG WAR
Happy lang si Ian nang nakatsikahan namin dahil maganda ang feedback sa Drug War: Conspiracy of Silence.
Pagkatapos ng 10-minute scenes ng pilot episode nito, parang natulala ang mga nanonood, lalo na ang mga taga-ibang bansa.
Sabi ni Ian, nang inalok sa kanya nina Direk Lino Cayetano ang proyektong ito, hindi na siya nagdalawang-isip, gusto na niyang gawin agad.
“I love working with them sa Nanahimik Ang Gabi, with the same team. “So when they pitched this project to me, sabi ko nga, ‘You guys had me at hello.’ Sabi ko, game agad!
“I love the way Direk Shugo [Praico] writes and directs, and the production and everything. Pang-Hollywood,” sabi pa ni Ian.
From left: Lino Cayetano, Arleen Cuevas, Philip King, Shugo Praico, and Ian Veneracion
NOEL FERRER
Nang pumutok itong isyu nina Anthony at Maris, nag-message daw si Ian sa dalawa, at nag-thank you naman daw ang mga ito.
Tinanong namin si Ian kung ano ang maipapayo niya sa dalawa.
“Wala lang. Chill!” pakli ng aktor.
“Ikaw ba, naalala mo kung sino nag-viral, you know, three weeks ago? Saka, wala e it’s just part of it.
“Yun lang ang importante. And hindi ko naman maintindihan why everybody makes it their business.
“I mean, it’s private thing between two people. Let them be,” saad ni Ian.
JERRY OLEA
Maging si Manay Lolit Solis ay nahingan ng saloobin kaugnay sa “secrets” eme nina Maris Racal at Anthony Jennings na ibinunyag ng ex ni Anthony na si Jam Villanueva.
“Wala namang sekretong hindi lumalabas!” bulalas ni Manay Lolit sa Christmas lunch with BUHAY Partylist nominees Lito Atienza and Carlos Sario noong Disyembre 4, Miyerkules, sa Supersam restaurant, Sct. Tobias St., Quezon City.
ADVERTISEMENT – CONTINUE READING BELOW ↓
“Kahit anong tago mo ng sekreto, lalabas at lalabas, di ba?”
Hindi raw kilala ni Manay Lolit si Anthony. Si Maris, nakikita-kita niya.
E, ang ex-boyfriend ni Maris na si Rico Blanco, kilala ba niya?
“Oo naman! Sikat si Rico, e,” pakli ni Manay Lolit. Di ba, bet niya iyong mga tipo ng personality ni Maris?
Umoo si Manay Lolit, “Yung maldita. Ayoko nung mabait na alaga. Parang pag mabait yung alaga ko, parang fake. Di ba, parang ganun?
“Mas gusto ko yung lumalaban-laban sa akin, yung minamalditahan ako. Mas gusto ko yun.”
MARIS AND ANTHONY, UNINVITED IN THE BREADWINNER MEDIACON
Uninvited sina Maris at Anthony sa grand mediacon ng MMFF 2024 official entry na Uninvited, este, And The Breadwinner Is… nitong Disyembre 5, Huwebes, sa Dolphy Theater ng ABS-CBN Compound, Quezon City.
In fairness, andoon pa rin sina Maris at Anthony sa official trailer.
Naaprubahan na itanong kay Vice sa Q&A kung ano ang masasabi niya sa MaThon tandem.
Ibig bang sabihin, hindi rin tatanggalin sina Maris at Anthony sa official poster ng And The Breadwinner Is…? Hindi babawasan o ie-edit out ang kanilang mga eksena sa movie?
Ano kaya ang magiging reaksiyon ng moviegoers kapag napanood na sina Maris at Anthony sa movie? Meron kayang mag-boo?
