Beauty brand ends partnership with Maris Racal
Nagsimula na ba ang blowback sa pagkakasangkot ni Maris Racal sa “messy breakup” ni Anthony Jennings at ng non-showbiz girlfriend nitong si Jamela Villanueva?
Inanunsiyo ng Dazzle Me, isang beauty, cosmetic, and personal care brand, na tinapos na nila ang kanilang partnership sa aktres.
Ilang buwan pa lamang ang nakalilipas nang ilunsad si Maris bilang brand ambassador ng nasabing produkto.
Sa pamamagitan ng Instagram at Facebook ngayong Huwebes, December 5, 2024, inihayag ng Dazzle Me ang kanilang statement.
Hindi umano ito madaling gawin.
Pero kailangan daw nila itong gawin para mapanatili ang integridad ng kanilang produkto.
Pahayag ng Dazzle Me: “At Dazzle Me, we have always been about inclusivity, authenticity, and making the right choices even when they’re tough or uncomfortable.
“These values are at the heart of the brand and in everything we do.
“After thoughtful consideration, we have made the difficult decision to end our partnership with Maris Racal.
ADVERTISEMENT – CONTINUE READING BELOW ↓
“Working with her has been an amazing journey – her energy, humor, and authenticity resonated deeply with our vision of a bold and inspiring Gen Z icon.”
Nakiusap din ang Dazzle Me na kahit tinapos na nila ang partnership kay Maris, sana raw ay panatilihin pa rin ang “kindness and empathy” online.
Dagdag pa sa statement: “However, we determined that moving in a different direction is necessary to remain consistent with the principles that guide our brand.
“As we move forward, may we also take this moment to advocate for kindness and empathy within the online space.
“Dazzle Me remains dedicated in encouraging everyone to make choices rooted in chosen values and principles.
“Thank you for your understanding and supporting the values that make us Bold, Boundless, and Beautiful.”
Kapansin-pansin ding wala nang mga larawan si Maris sa social media accounts ng Dazzle Me.
Read: Maris-Anthony-Jamela-Rico issue, pinagpipistahan ng netizens
THE ISSUE BETWEEN MARIS, ANTHONY, AND JAMELA
Nabulabog ang netizens nang sunud-sunod na mag-post ng tila bombang pasabog si Jamela Villanueva sa kanyang Instagram Story noong gabi ng December 3, 2024.
Read: Who is Jamela Villanueva?
Ito raw ang ginawa niyang paraan upang maipahayag ang masakit na saloobin na kanyang kinikimkim mula nang sila ay maghiwalay ni Anthony.
Ipinakita rin niya ang screenshots na kanyang nakuha habang tulog umano ang dating live-in partner.
Lumalabas na nahuli ni Jamela ang palitan ng mga pribadong mensahe nina Anthony at Maris.
Read: Anthony, Jamela, Maris: The unfinished tale of a messy breakup
Kasunod ito ng pag-amin ni Anthony na siya ang may kasalanan kung bakit naghiwalay sila ni Jamela.
Samantala, kinumpirma ni Maris ang breakup nila ni Rico noong Hulyo 2024 matapos ang five-year relationship.
Read: Maris Racal confirms breakup with Rico Blanco
Hanggang ngayon ay hindi pa nagsasalita sina Maris at Anthony tungkol sa isyu.
CONTINUE READING BELOW ↓
NOOD KA MUNA!
