Lokang-loka ang mga fan nina Kim Chiu, Paulo Avelino sa performance nila sa ASAP in California! Kasi nga, nahanap daw ng dalawa ang perfect ng kanta na bagay na bagay talaga sa kanila. Advertisement: 0:10 Eh, kayang-kaya pang laruin ng dalawa ang kanta, na sa simula ay magkahiwalay, magtititigan, at maglalapit. Nakakaloka nga ang video na pinost ni MJ Felipe, na nakakakilig at nakakabingi ang sigawan, ha! Kasi naman si Kim, may paturo-turo pa kay Paulo habang binibigkas, inaawit ang mga linyang… “Ngunit sa huli, palagi “Babalik pa rin sa yakap mo “Hanggang sa huli, palagi “Pipiliin kong maging sa ‘yo “Ulit-ulitin man “Nais kong malaman mong “Iyo ako palagi.” Mga linya nga `yon sa kantang ‘Palagi’ ni Tj Monterde. Kaya ang mga faney, lokang-loka talaga sa kanila. “Hindi ko kinaya. Mahirap huminga sa sobrang kilig.” “Salamat MJ sa super kilig na video mo ng KimPau.” “Nakakaiyak sa kilig ang KimPau.” “Kinilabutan ako sa kanila. Grabe ang chemistry nila. Overflowing talaga. Sa lahat ng love team, ito `yung hindi ko ma-explain ang feeling.” Bongga, ha! Anyway, kinumpirma nga nina Kim, Paulo na bibida sila sa isang pelikula at malalaman na soon ang mga detalye tungkol dito. Nabanggit ang good news na ito nina Kim at Pau during the “ASAP Natin ‘To: California” concert noong August 4. Nag-post din ang ABS-CBN News sa X ng “Just in: Kim Chiu and Paulo Avelino announced that they will be working on a movie soon. No details yet and according to Paulo, more info about their new project will be announced soon.” Wish granted ito para sa fans ng KimPau dahil matatandaang sinabi nina Kim at Paulo noon sa isang interview para sa ‘What’s Wrong With Secretary Kim’ na willing silang magsama sa isang pelikula if given the chance. Bongga nga ito dahil ito ang magiging first movie nila together bilang isang love team. Abangan soon ang official announcement para sa upcoming movie ng KimPau. (ht)