Si Nora Aunor ay muling nabuhayan matapos biglang huminto sa pagbabalik mula sa mga patay, ikinuwento ni Nora ang mga kakaibang kwentong espirituwal na kanyang naranasan.
Nora Aunor namatay na, na-revive lang
Isiniwalat ni Nora Aunor na namatay na siya ngunit naibalik lang.
Sa “Fast Talk with Boy Abunda” nitong February 20, sinabi ng “Superstar” na nakaranas siya ng milagro dahil tatlong minuto na siyang pumanaw.
“Namatay na ako ng three minutes. Ngayon ko lang sasabihin ito, kasi ang nangyari noon ‘di ba nung nagkakasakit ako, lalabas ako ng gabi, madaling-araw dadalhin na naman ako sa ospital. May insidente na sabi ko, ‘Halika na’ kasi bumababa na ‘yung oxygen sa katawan, so takbo na naman sa ospital.
“Pagkatapos sa ospital, sabi ko, ‘Oxygen lang po ang kailangan ko’. Ang nangyari, hindi ko alam, walang tumulong, hindi minadali lagyan ako ng oxygen. Ang nangyari, humiga ako. Pagkahiga ko, hindi ko na alam kung anong nangyari,” kuwento ni Nora kay Boy.
“Paggising ko, andun na ako sa ICU,” patuloy niya.
Tanong ni Boy sa kanya, “Sinabi sa iyo na namatay ka ng ilang minuto?”
“Opo… three minutes,” sagot ni Ate Guy. “Sabi nga sa akin, ‘Ang suwerte mo, mahal ka ng Diyos kasi binalik ka ulit. Siguro ‘yung misyon mo hindi pa tapos, mayroon kang dapat gawin sa mundo’.” (IS)
