Itinampok si Ivana Alawi, sa pinakabagong episode ng programang Raffy Tulfo in Action tungkol sa kasong estafa na isinampa niya laban sa kanyang mga business partner.

Sa kanyang pakikipag-usap kay Sen. Raffy Tulfo,  humihingi si Ivana ng refund na nagkakahalaga ng P4.8M mula sa mga taong sangkot.

Gayunpaman, ayon kay Ivana, nabigo ang mga tao sa likod ng kumpanya na ipaliwanag kung bakit hindi sila makapagbigay ng refund.

Sa video, sinabi ni Ivana, kasama ang iba pang mga biktima, na nagsampa sila ng parehong kaso matapos mabigo ang kanyang mga business partners na ibalik ang pera.

“We filed the same kasi yung pera hindi nila binabalik. Unang-una, nagpa-formulate kami and hindi nila magawa yung formulation na exclusive sa amin and hindi rin naman pala nila kaya yung mga ingredients,” pahayag ni Ivana.

Dagdag pa niya sa kanyang naunang pahayag, hinihiling niya sa kanyang mga kasosyo sa negosyo na ibalik ang pera mula noong nakaraang taon.

“We asked them last year pa na ibalik na lang yung pera kasi they cannot do what we want, hindi nila maibigay yung magandang formula, hindi rin nila maibigay na exclusive.”

“So sabi ko, ‘We’re not going to work out, i-refund na lang and okay na.’ Kasi ako Sir Raffy, ayoko talaga ng mga issue issue o magkaso ng tao,” paliwanag pa ni Ivana.