Kim Chiu Nagsalita Na Sa Tunay Na Relasyon Nila Ni Attorney Oliver Moeller!

Sa wakas ay nagbigay na ng pahayag ang actress-TV host na si Kim Chiu sa totoong relasyon nila ni Oliver Moeller na ini-lilink sa kanya matapos kumalat ang mga larawan nilang magkasama at ang muling pagbisita ni Atty. Oliver Moeller sa It’s Showtime. 

Matatandaan na idinadawit ng ilang mga netizens ang pangalan ng actress-TV host na si Kim Chiu sa pag-unfollow ni Miss Universe Philippines 2023 Michelle Marquez Dee kay Atty. Oliver Moeller ang Expecially For You ‘searchee’ na napili niya na kanyang makasama sa isang date.

May mga nakapansin kasi na in-unfollow ni Michelle Dee si Atty. Oliver Moeller matapos nitong muling dumalaw sa It’s Showtime.

Lalo pang umugong ang mga bali-balitang nililigawan ni Oliver Moeller si Kim Chiu matapos ang tila pag-amin niya sa isang panayam kung saan inilahad niyang kailangan ang permiso ni Kim Chiu bago niya sagutin ang katanungan kung nanliligaw na ba siya.

Bukod pa rito, napansin rin ng maraming mga netizens ang pagpapalit ng profile picture ni Oliver Moeller, isang larawan niya na kuha sa isla ng Siargao, sa mga panahong naroon din si Kim Chiu para ipagdiwang ang kaarawan nito at dumalo sa 2nd wedding nina Angelica Panganiban at Gregg Homan.

Upang maging malinaw na ang lahat, pinili ni Kim Chiu na magbigay na ng pahayag ngayon patungkol sa totoong kaganapan sa buhay nila ni Oliver Moeller.

Ayon kay Kim Chiu, ay ok lang naman sila ni Oliver Moeller na tinawag niyang ‘migo’ na ang ibig sabihin sa tagalog ay kaibigan.

Sa pagtawag ni Kim Chiu na ‘Migo’ kay Atty. Oliver Moeller tila sinasabi na rin nitong magkaibigan lamang sila at walang basehan ang mga kumakalat na haka-haka sa social media na mayroon na silang romantic relationship.

Napansin naman kaagad ng mga netizens na matapos ipagdiinan ni Kim Chiu na kaibigan lamang ang tingin niya kay Oliver Moeller ay nakafollow na sa binata ang beauty queen na si Michelle Dee.

Samantala, kumakalat naman ngayon ang mga haka-haka na si Kim Chiu talaga sana ang sasalang na searcher sa unang episode ng Expecially For You sa GMA7 kaya humanap ang It’s Showtime management ng isang gwapong binata mula sa Cebu.

Subalit, nagback out si Kim Chiu sa kadahilanang hindi pa niya kayang isapubliko ang totoong dahilan ng paghihiwalay nila ni Xian Lim, kaya naman sa huli ay si Michelle Dee ang sumalang.