Patuloy na pinag-uusapan ngayon sa social media sina Sue Ramirez at Dominic Roque matapos silang makitang magkasama sa sikat na isla ng Siargao. Marami ang nagtatanong kung may espesyal na namamagitan sa dalawa, lalo na’t may lumabas pang video na tila nagpakita ng masyadong sweet na moment.

Ilan sa mga netizens ang nagkomento na deserve nina Sue at Dominic ang maging masaya, lalo na’t parehong single ang mga ito. “Bagay sila, mukhang masaya sila sa isa’t isa,” pahayag ng isang fan, habang may ilan naman na nagsasabing tamang-tama lang na bigyan sila ng pagkakataong lumigaya.

PAY ATTENTION: Follow us on Instagram – get the most important news directly in your favourite app!

Hindi lingid sa kaalaman ng marami ang balitang hiwalayan nina Dominic Roque at Bea Alonzo, na umingay. Nnapabalita ring naghiwalay na sina Sue Ramirez at Javi Benitez, bagaman kapansin-pansin na parehong hindi nagsalita sina Sue o Javi para kumpirmahin o pabulaanan ang isyung ito.
Samantala, isang detalye ang nakatawag-pansin sa mga netizens: base sa mga Instagram posts nina Dominic at Sue, kapwa sila nasa Siargao nang halos magkasabay. Bagaman walang litratong magkasama sila sa kanilang mga opisyal na posts, marami ang nakapansin sa mga kahalintulad na tanawin sa kanilang mga stories, na nagbunsod ng espekulasyong magkasama nga silang nagbabakasyon. Sa kabila ng mga haka-haka at spekulasyon, nananatiling tahimik sina Sue at Dominic tungkol sa tunay na estado ng kanilang relasyon. Patuloy ang pag-aabang ng kanilang mga fans sa anumang kumpirmasyon o paglilinaw mula sa dalawa.

Si Sue ay naging bahagi ng ilang ABS-CBN shows kagaya ng Mula Sa Puso, Angelito: Batang Ama, Annaliza, All of Me, Pangako Sa’yo, at Dolce Amore. Naging usap-usapan ang paghihiwalay nila noon ni Joao Constancia. Ibinahagi naman ni Joao ang kanyang saloobin hinggil sa paghihiwalay nila ni Sue.