CEBU, Philippines — Nalipay si Cebuano star center Junemar Fajardo nga nakabalik na siya og duwa uban sa San Miguel Beermen human sa pipila ka buwan nga pagpahuway tungod sa injury.

Hinuon, ang 6-foot-10 nga si Fajardo miangkon nga naapektohan iyang kondisyon sa taas nga pahuway rasun nga igo ra siya ngakahimo og dos puntos sa duwa niadtong Sabado batok Rain or Shine Elasto Painters.

“Medyo nakakapanibago. Parang naghahabol ako ng kundisyon. Siyempre, ngayon lang ako nakatakbo uli,” matud pa ni Fajardo sa Spin.ph.

Hinuon si Fajardo mipasalig nga makabawi ra og ang importante himsog siya paingun sa playoffs diin misaad siya nga buhaton ang tanan aron mabalik isip kampiyon ang San Miguel.

Si Fajardo gusto daling mabalik iyang kalagsik sa dili pa ang sunod ug katapusang duwa sa Beermen sa elimination batok sa Meralco Bolts karong Sabado