Aspiring beauty queen Franki Russell’s preparation for Miss Universe 2024 rendered useless after Miss Universe New Zealand franchisee cancelled its license. Before being appointed Miss Universe New Zealand, Franki joined Miss Universe UAE 2021, but local pageant cancelled it due to time constraints. 

Napurnada na naman ang pangarap ng dating Pinoy Big Brother Otso housemate Franki Russell na maging kandidata sa Miss Universe 2024.

Ito ay matapos kanselahin ng local license holder ng Miss Universe New Zealand ang kanilang prangkisa dahil hindi sila nakasunod sa hindi tinukoy na order mula sa Miss Universe Organization (MUO).

Sa Instagram kahapon, July 30, 2024, naglabas ng opisyal na pahayag ang Yugen PR upang ipaalam sa publiko ang kanilang naging desisyon.

Buong pahayag nila, “As a result of our team’s non-compliance with a specific order from the Miss Universe Organization, we have decided to cancel the franchise held by Yugen PR for Miss Universe New Zealand for 2024.”

Pirmado ito ni Ian Borromeo, Managing Director ng House of Yugen.

Ibig sabihin nito, hindi na rin matutuloy ang pakikipagkumpitensiya ni Franki, bilang kinatawan ng New Zealand, sa Miss Universe 2024.

Walang ibinigay na eksplanasyon ang local franchisee kung bakit kinansela nila ang kanilang prangkisa.

Pero nauna nang lumutang ang balitang nanganganib ang pagbawi kay Franki ng kanyang titulo at korona dahil sa sexy movies niya noon sa Vivamax.

Kabilang ang Pabuya, Tag-init, at Laruan sa mga sexy-drama project na pinagbidahan ni Franki sa Vivamax.

Ang paghuhubad niya sa mga nabanggit na pelikula ang itinuturong dahilan kaya namimiligro ang kanyang pagsali sa 73rd edition ng Miss Universe.

Hinala ng ilang netizens, nanindigan ang local franchisee para kay Franki kaya pinili na lamang nilang huwag magpadala ng represetative ngayong taon.

Imbes daw kasing bawian si Franki ng titulo at korona, pinanindigan nila ang kanilang appointment.