agpasalamat si Marian Rivera sa naging regalo ni Olivia Rodrigo para sa kanyang anak na si Zia Dantes.

Nagpasalamat si Kapuso Primetime Queen Marian Rivera kay Olivia Rodrigo dahil pinasaya nito ang kanyang anak na si Zia Dantes.

Sa kanyang post sa social media, nagpost ito ng unboxing video ng birthday gift ng singer para kay Zia.

Aniya, napasaya nang husto ni Olivia ang kanyang anak.

“Thank you so much, Olivia Rodrigo! Ate Z is so happy with your gift. No wonder so many people admire and love you. Zia loves you sooooo much! 🙏🏻💜,” mensahe ni Marian.

Makikita sa video na napaluha si Zia matapos malaman na may regalo ang kanyang idolong si Olivia Rodrigo. Halos hindi nga makapaniwala si Zia na padadalhan siya ng regalo ni Olivia sa kanyang 9th birthday.

Magugunitang noong mag-concert sa Pilipinas si Olivia ay nanood at talagang nag-fangirl si Zia.

Kabilang sa mga niregalo ni Olvia kay Zia ay t-shirt at tumbler bukod pa sa personal note na nagpaluha kay Zia.

Sa sobrang bugso ng emosyon at saya ay napaiyak si Zia bago napayakap sa kanyang ina.